Etimes.mn мэдээллийн сайт “Тойргийн гишүүд” цувралыг уншигч танд хүргэж байгаа билээ. Бид хойд бүсээс сонгогдсон УИХ-ын гишүүдийн хийж буй ажил, санаачилсан хууль, хэрэгжүүлж буй төсөл хөтөлбөр, тойрогтоо ажилласан байдал зэргийг хүргэж байгаа. Мөн үүнээс гадна хариуцлага нэхэж, ирэх гурван жилийн хугацаанд олон нийт, сонгогчдын төлөө ажиллахыг нь сануулсаар байгаа юм.

Бид энэ удаад Лхагвагийн Мөнхбаатар гишүүнийг онцолж байна.

Ирцийн мэдээлэл:

Л.Мөнхбаатар гишүүн гурав дахь удаагаа сонгогдсон. Түүний хувьд 2020-2024 оны УИХ-ын чуулганд 86.3 хувийн ирцтэй суужээ. Харин үлдсэн 11.8 хувьд нь гадаад томилолт, орон нутгийн томилолт зэрэг шалтгаанаар чөлөө авчээ. Мөн 1.9 хувьд нь чуулганаа тасалж, 687 минут хоцорсон байна.

-МАН-ын Бүлгийн дарга

Байнгын хороо:

-Төрийн байгуулалтын байнгын хорооны гишүүн

-Хууль зүйн байнгын хорооны гишүүн

Санаачилсан хууль:

Л.Мөнхбаатар гишүүн 19 хууль санаачилжээ. Тухайлбал,

-Монгол Улсын их хурлын хяналт, шалгалтын тухай (бие даасан хууль)батлагдсан

-Төрийн албаны тухай (нэмэлт өөрчлөлт)

-"Банк, эрх бүхий хуулийн этгээдийн мөнгөн хадгаламж, мөнгөн хөрөнгийн шилжүүлэг, зээлийн үйл ажиллагааны тухай (шинэчилсэн найруулга)"

-Банкны тухай хууль (нэмэлт өөрчлөлт)

-Хувийн тэтгэврийн тухай хууль (бие даасан хууль)

Дэмжсэн, санал өгсөн хуулийн төсөл:

-Монгол Улсын 2025 оны төсвийн тухай /хүчингүй болсон/

-Эрүүл мэндийн даатгалын сангийн 2025 оны төсвийн тухай

-Нийгмийн даатгалын сангийн 2025 оны төсвийн тухай төрийн хэмнэлтийн тухай хуульд нэмэлт, өөрчлөлт оруулах тухай

-Иргэний нисэхийн тухай хууль /шинэчилсэн найруулга/-д өөрчлөлт оруулах тухай

-УИХ-ын 2024 оны хаврын ээлжит чуулганаар хэлэлцэх асуудлын тухай

-Хүүхэд хамгааллын тухай

-Хүүхдийн эрхийн тухай хуульд нэмэлт, өөрчлөлт оруулах тухай -Гэр бүлийн хүчирхийлэлтэй тэмцэх тухай хуульд нэмэлт, өөрчлөлт оруулах тухай

-Эрүүл мэндийн тухай хуульд өөрчлөлт оруулах тухай

-Зөрчлийн тухай хуульд нэмэлт, өөрчлөлт оруулах тухай

Татгалзсан санал өгсөн хууль:

-Хянан шалгах түр хороо байгуулах тухай

-“Эрдэнэс Тавантолгой” хувьцаат компанийн хувьцааны талаар авах зарим арга хэмжээний тухай

-Нийгмийн халамжийн тухай хуульд нэмэлт, өөрчлөлт оруулах тухай

-Татварын ерөнхий хуульд нэмэлт, өөрчлөлт оруулах тухай

-Төсвийн тухай хуульд нэмэлт, өөрчлөлт оруулах тухай

-Банк, эрх бүхий хуулийн этгээдийн мөнгөн хадгаламж, мөнгөн хөрөнгийн шилжүүлэг, зээлийн үйл ажиллагааны тухай хуулийн /Шинэчилсэн найруулга/

-Өршөөл үзүүлэх тухай хууль зэрэгт татгалзсан санал өгчээ.

Хийсэн чухал ажил:

-УИХ-ын гишүүн Л.Мөнхбаатар.ын санаачилгаар УИХ-ын 2019 оны 5-р сарын 2-ны 41-р тогтоолоор "Тэсийн голын эх-Булнайн нуруу"-г Байгалын цогцолборт газар ангилалаар Улсын тусгай хамгаалалтан авчээ.

-Хамгийн олон хууль санаачлагчдын нэг

- Монгол Улсын Засгийн газрын 2024-2028 оны үйл ажиллагааны хөтөлбөрт "Мөрөн - Их-Уул - Рашаант - Өлзийт - Хайрхан - Тэрхийн цагаан нуур" босоо чиглэлийн авто замыг барьж дуусгах ажил тусгагдлаа.

-Монгол Улсын Засгийн газрын 2024-2028 оны үйл ажиллагааны хөтөлбөрт "Эрдэнэт хотын цахилгаан хангамжийг сайжруулахад шаардлагатай 35 кВт-ын цахилгаан дамжуулах агаарын шугам, дэд станц барих" ажил тусгагдлаа.

- Монгол Улсын Засгийн газрын 2024-2028 оны үйл ажиллагааны хөтөлбөрт "Хутаг-Өндөр сумаас Бага-Илэнхийн хилийн боомт хүртэл 137км авто зам барих" ажил тусгагдлаа.

- Монгол Улсын Засгийн газрын 2024-2028 оны үйл ажиллагааны хөтөлбөрт "Ханх-Хатгал чиглэлийн авто замыг барих" ажил тусгагдлаа.

-Монгол Улсын Засгийн газрын 2024-2028 оны үйл ажиллагааны хөтөлбөрт "Эрдэнэт хотын доторх авто замын барилга угсралт, шинэчлэлт, өргөтгөл, их засварын ажлыг гүйтэцгэх" ажил тусгагдлаа.

- Монгол Улсын Засгийн газрын 2024-2028 оны үйл ажиллагааны хөтөлбөрт "Мөрөн хотод 50мВт-аас доошгүй хүчин чадалтай дулааны цахилгаан станц байгуулах бэлтгэл ажлыг хангах" ажил тусгагдлаа.

Тойрогтоо ажилласан байдал:

-Хөвсгөл аймгийн Шинэ-Идэр сум сурагчдын амьдрах таатай орчныг бүрдүүлсэн 100 хүүхдийн дотуур байртай боллоо.

-Хөвсгөл аймгийн сумдын түргэн тусламжийн үйлчилгээнд зориулж туулах чадвар сайтай автомашиныг гардуулан өглөө.

-Хөвсгөл аймгийн Эрдэнэбулган сумын Чичин баг, Түнэл сумын Бийж багт үүрэн холбооны дахин дамжуулах станц баригдаж, Юнителийн 4G  сүлжээ нэвтэрлээ.

-Булган аймгийн зарим сумд иж бүрэн тоноглогдсон түргэн тусламжийн автомашинаа хүлээн авлаа.

-Хөвсгөл аймгийн Их-Уул сумын ЗДТГ-аас тавьсан хүсэлтийн дагуу Иж бүрэн тоноглогдсон гал унтраах автомашиныг улсын төсвийн хөрөнгө оруулалтаар шийдвэрлэснийг албан хаагчид маань хүлээн авлаа.

-Хөвсгөл аймгийн Хатгал тосгон, Баянзүрх сум, Булган аймгийн Могод, Дашинчилэн сумдын Эрүүл мэндийн төвийн автомашин эвдрэл гэмтэл ихтэй,  олон жил ашиглагдсан тул шинэ автомашинтай болох хүсэлт ирүүлсэнийг Эрүүл мэндийн сайдад уламжлан шийдвэрлүүллээ.

-Хөвсгөл аймгийн Тариалан, Эрдэнэбулган, Цагаан-Үүр сумын удирдлагууд болон ЗДТГ-ын албан хаагчид, төрийн байгууллагуудын удирдлагуудтай уулзаж өвөлжилтийн бэлтгэл ажил болон цаг үеийн асуудалаар мэдээлэл авч, санал солилцлоо.

-Төрийн үйлчилгээг дэмжих хөтөлбөрийн хүрээнд Мөрөн сумын Засаг даргын Тамгын газарт 15ш зөөврийн компьютер, гурван үйлдэлт хоёр талдаа хэвлэгч, өнгөт принтерийг гардуулан өглөө.

-Боловсролыг дэмжих хөтөлбөрийн хүрээнд Хөвсгөл аймгийн Төмөрбулаг, Жаргалант, Эрдэнэбулган, Цагаан-Үүр, Арбулаг, Цэцэрлэг сумын Ерөнхий боловсролын сургуульд шинэ фургон автомашин хүлээлгэн өглөө.

-Хөвсгөл аймгийн Төмөрбулаг, Цагаан-Үүр, Цагааннуур, Шинэ-Идэр, Галт, Рашаант, Ханх сумын Засаг даргын Тамгын газарт туулах чадвар сайтай Хантер маркийн авто машин хүлээлгэн өглөө гэх мэт ажлыг хийжээ.

            Л.Мөнхбаатар гишүүний хувьд хойд бүсээс гурав дахь удаагаа сонгогдсон туршлагатай гишүүн юм. Энэ ч утгаараа сонгогчид олон ажил хийнэ гэдэгт итгэсээр байгаа билээ.