Эрдэнэт хотын 50 жилийн ойн төсөв хэмжээ, хамрах хүрээний хувьд өргөн дэлгэр, басхүү сэтгэлд тод дурсамжийг он удаан жил хадгалах бүтээн байгуулалтууд өрнөх учиртай. Гэтэл Эрдэнэтчүүд ердөө гуравхан сарын дараа болох түүхэн өдрөө, тэмдэглэнэ гэхээс ичих шахам, тоос шороондоо дарагдан мартагдсан, он дамжсан хуучин, шинэ зам, барилгаар орчин хийж, угтах хаалганы сүүмийн анивчих гэрлийн адилаар гундуухан хаврын бор өдрүүдийг халаглаж ядаж өнгөрүүлж буй.
Ойн ажлууд төсвөөс гадуур ч, төрийн зохион байгуулалтаар ч явна. Тухайлбал, төсвийн шууд санхүүжилтээр
- А.Амарын талбайг гантиг чулуун хавтангаар шинэчлэх,
- урт цагааны гудамжыг засч сайжруулах, дурсгалт газар бий болгох,
- хотын ногоон байгууламжийг нэмэгдүүлэх,
- Чандмань уулзвараас 5-р хорооллын уулзвар хүртэлх авто замыг шинэчлэх,
- цахилгаан машин цэнэглэх болон авто зогсоол байгуулах,
- отоглох цэг байгуулах,
- урлаг соёлын болон спортын тэмцээн уралдаан зэрэг ажлыг төлөвлөж, зардлыг тусгасан.
Гэвч төрийн аудитаас аймгийн Засаг даргын нөөц сангийн (3.56 тэрбум), зочин хүлээн авах зардал 400 сая, төсөл, хөтөлбөрийн (650 сая) төгрөгийг төлөвлөсөнг “ХЭРЭГЖҮҮЛЭХ АРГА ХЭМЖЭЭ, ШААРДАГДАХ ТӨСӨВ, ХҮРЭХ ҮР ДҮНГ ТООЦООЛООГҮЙ”-г анхааруулжээ.
Харин төсвөөс гадуур буюу Эрдэнэт хотоор овоглосон иргэд, ААНБ-уудын нийт 46.6 тэрбум төгрөгийн хандиваар нийт 88 арга хэмжээ хэрэгжүүлнэ. Үүнд,
- Цэнгэлдэх хүрээлэнгийн засвар,
- Баян-Өндөр хайрхан,
- Бурхан багшийн сэрэг дүр орчмын тохижилт,
- Хотын хаягжуулалт, угтах хаалга,
- Цэцэрлэгт хүрээлэн, ногоон байгууламжийн ажлыг төлөвлөөд буй.
Гэвч Эрдэнэтчүүд "ЭЛБЭГ, ХАНГАЛУУН НААДАМЛАХ НЬ ТОДОРХОЙ ч, төлөвлөгдсөн тохижилт, бүтээн байгуулалтын ажлууд түүхэн ойгоос урьтаж бүрэн дуусах эсэх нь эргэлзээтэйг өөр хоорондоо ний нуугүй ярилцах болсон.
ХУВИЙН МӨНГӨӨ ХӨРӨНГИЙН БИРЖ, КАЗИНОД ҮРЖ БОЛОХ Ч, ХУВЬСГАЛЫН МӨНГӨНД СЭТГЭЛГҮЙ ХАНДАХ ШИЙТГЭЛТЭЙ... Халуун орны хамаг сайхныг гэр бүл, үр хүүхдээрээ бахдаж, нутгийн улирал, удирдах газраа марттал явсан зарим нэг нь одоо бодит амьдралдаа нүүр тулаа байлгүй. Хөрөнгө оруулалтын ажлуудын явцаас шалтгаалж, 50 жилээрээ ядаж онгорхой, цоорхойгүй бүтэн замтай л наадамлуулж өгөхийг тамга барьж, шийдвэр гаргагчдаасаа Эрдэнэтчүүд нь хичээнгүйлэн хүсье ээ.
А.Саранчимэг
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.