Орхон аймгийн ИТХ-ын ээлжит бус 15 дугаар хуралдаанаар аймгийн Засаг даргад нэр дэвшүүлэх тухай асуудлыг хэлэлцлээ. Аймгийн Засаг даргад аймгийн ИТХ дахь МАН-ын бүлгээс аймгийн Засаг даргын орлогч М.Түмэнжаргалын нэрийг дэвшүүлсэн бол танхимаас аймгийн ИТХ-ын Төлөөлөгч С.Ганцогт өөрийн нэрийг дэвшүүлсэн юм. Төлөөлөгчид нууцаар санал хураалтад оролцсон бөгөөд санал хураалтад оролцсон нийт төлөөлөгчдийн 62 хувийн саналаар аймгийн Засаг даргад Мишигийн Түмэнжаргалын нэрийг дэвшүүлж, Монгол улсын Ерөнхий сайдад уламжлахаар боллоо.

        Мишигийн Түмэнжаргал нь 1973 онд Завхан аймгийн Тосонцэнгэл суманд төрсөн. Ам бүл 3. 

Боловсрол

• 1980-1990 онд  Завхан аймгийн Тосонцэнгэл сумын 10 жилийн дунд сургууль
• 1994-1998 онд Санхүү Эдийн Засгийн Дээд сургуулийг “Банкны эдийн засагч, санхүүч ” мэргэжлээр
• 2009-2011 онд БНХАУ-ын Бээжин хотын Хэл соёлын дээд сургуулийг “Хятад хэл, соёл судлал” мэргэжлээр
• 2015-2016 онд Иргэний улс төрийн боловсролын академийг Төрийн удирдлагын менежер мэргэжлээр
• 2016-2020 онд  ШУТИС-ийн Бизнесийн ахисан түвшний сургуулийг Төрийн захиргааны удирдлагын Магистрын зэрэгтэй төгссөн.

Ажлын туршлага 

•   1997-2001 онд “Эрднэр” ХХК-ийн захирал

• 2001-2002  онд Монгол Шуудан банкны 103 дугаар салбарын захирал
• 2001-2009 онд Монгол Шуудан ХК-ийн Орхон аймгийн Шуудангийн газрын дарга
• 2012 оны 5 сараас 12 сар хүртэл  Орхон аймгийн Засаг даргын зөвлөх
• 2012-2016 онд Орхон аймгийн иргэдийн Төлөөлөгчдийн Хурлын төлөөлөгч
• 2016-2017 оны 2 сар хүртэл  Орхон аймгийн намын хорооны орон тооны Дэд дарга
• 2016-2020 онд Орхон аймгийн иргэдийн Төлөөлөгчдийн Хурлын төлөөлөгч
• 2017-2020 онд  Эрдэнэт Хотын захирагчийн албаны дарга бөгөөд Ерөнхий менежер
• 2020-2022 онд Орхон аймгийн Засаг даргын орлогч
• 2020 оноос Орхон аймгийн иргэдийн Төлөөлөгчдийн Хурлын төлөөлөгч
• 2023 оны 10 сараас Орхон аймгийн Засаг даргын орлогч
• 2023 оны 12 сараас одоог хүртэл Орхон аймгийн Засаг даргын үүргийг түр орлон гүйцэтгэгчээр ажиллаж байгаа юм.