УИХ-ын гишүүн хоёр Эрдэнэбатын шүүх хурал өнөөдөр болно
2020.06.16-ны өдөр Сүхбаатар дүүргийн Эрүүгийн хэргийн анхан шатны шүүхэд 10:00 цагт УИХ-ын гишүүн Д.Эрдэнэбат, 11:00 цагт УИХ-ын гишүүн Ж.Эрдэнэбат нарт холбогдох хэргийг шүүх хурал болно.
Яллагдагч Д.Эрдэнэбат нарт холбогдох эрүүгийн хэргийн урьдчилсан хэлэлцүүлгийн шүүх хуралдаан Сүхбаатар дүүргийн Эрүүгийн хэргийн анхан шатны шүүхэд зургадугаар дугаар сарын 03-ны өдрийн 08:30 цагт эхэлсэн. Шүүх хуралдаанаар нэр бүхий яллагдагч нарыг шүүхэд шилжүүлж, шүүх хуралдааны товыг тогтоосон. Ийнхүү шүүх хуралдааныг зургадугаар сарын 16-ны өдрийн 10:00 цагт тус шүүхийн шүүх хуралдааны танхимд нээлттэй явуулахаар шийдвэрлэсэн.
Харин Монгол Улсын Ерөнхий сайд асан Ж.Эрдэнэбатыг энэ сарын 11-нд цагдан хорих захирамжийг Сүхбаатар дүүргийн Эрүүгийн хэргийн анхан шатны шүүхээс гаргасан. Тэрбээр УИХ-ын сонгуулийн сурталчилгааны хүрээнд Сэлэнгэ аймагт иргэд, сонгогчидтойгоо уулзаж явсан юм. Иймд АТГ-аас түүнийг саатуулахаар Сэлэнгэ аймаг руу хөдөлсөн гэх мэдээлэл цацагдаж байсан. Ийнхүү зургадугаар сарын 12-13-нд шилжих шөнө түүнийг Их тэнгэрийн амны ойролцоо байршилтай гэрээс нь баривчилж, хорих 461-р ангид хорьсон аж.
0
0
0
0
0
0
.jpg)
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.