Герман улсад 2019 оны тавдугаар сарын 3-нд Монгол Улсын консул Б.Баттүшиг болон түүний туслах Э.Сосорбарам нар дипломат машинаараа хар тамхи тээвэрлэж явсан байдаг. Тус улсын цагдаа нар шалгалтын явцад машинаас тус бүрд нь 500 граммаар савласан 140 савлагаа бүхий 70 кг геройноор дүүрэн хоёр чемодан \/гудамжны үнэлгээгээр тооцвол ойролцоогоор 3 сая гаруй еврогийн үнэд хүрэх\/ олж шуугиан тарьсан юм. Тэгвэл өчигдөр\/2020.06.11\/ Дрезден хотын шүүх Б.Баттүшиг, Э.Сосорбарам нарт тус бүр 11 жилийн хорих ял оноолоо. Тэд Истанбулаар дамжин Германд ирсэн. 2019 оны арваннэгдүгээр сард мөрдөн байцаах ажиллагаа эхлэх үед Б.Баттүшиг өөрсдийгөө тагнуулын нууц ажиллагаа гүйцэтгэж байсан хэмээн давж заалдах хүсэлт гаргасан ч, шүүхээр хэлэлцээгүй аж.