АРЬС ӨНГӨӨР ГАДУУРХАХ ҮЗЛИЙГ ЭСЭРГҮҮЦСЭН АМЕРИКЧУУД ХӨШӨӨ, ДУРСГАЛУУДЫГ СҮЙТГЭЖ БАЙНА

АНУ-д цагдаа нарын зүй бус үйлдэлд бухимдсан жагсагчид арьс өнгөөр ялгаварлан гадуурхах үзэлтэй холбоотой хөшөө, дурсгалуудыг сүйтгэж байна. Тухайлбал: Бостон хотноо Христофер Колумбын хөшөөний толгойн хэсгийг тасалжээ. Тиймээс энэхүү хөшөөг хотын захиргаа буулгахаас аргагүй болсон байна. Мөн Ричмонд хотод Христофер Колумбын хөшөөг жагсагчид буулгаж нууранд хаяжээ. Түүнчлэн өөр дөрвөн хөшөөг буулгасны нэг нь Жефферсон Дэвисийн хөшөө байгаа юм. Христофер Колумбын хайгуулын дүнд европчууд Америк тивийг нээсэн, гэхдээ үүнээс улбаалж Транс-Атлантын боолын худалдаа бий болсон гэж шүүмжлэгчид онцолж байгаа юм. Харин Жефферсон Дэвис нь Иргэний дайны үед Америкийн Холбооны улсуудыг удирдаж байсан бөгөөд өөрөө 100 гаруй боолтой байжээ.