Дампуурал зарласан эдийн засагтай улс орныг МАН-ын Засгийн газар хүлээн авч, төсвийн сахилга хариуцлагыг чангатгаж, “Эдийн засгийг сэргээх хөтөлбөр” хэрэгжүүлсэн нь үр дүнгээ өгсөөр ирлээ. Ийнхүү бүсээ чангалж, үр дүнтэй ажлууд санаачлан хэрэгжүүлсэнээр ирэх он жилүүдэд хариуцлагатай, тогтвортой засаглал, хөгжлийн бодлого залгамж чанартай байх суурь тавигдав. Энэ удаагийн сонгууль бол та бидний хувьд эхлүүлсэнээ дуусгаж, амжилтаа бататгах түүхэн боломж юм. Ирэх дөрвөн жилд шударга ёсны хувьсгал өргөжиж, улс төрийн тогтвортой байдал, үндэсний нэгдмэл үнэт зүйлс бэхжиж, улмаар хүний хөгжлийг дэмжих, эдийн засгийн өсөлтийн үр шимийг иргэн бүрд бодитой хүргэх цогц бодлого хэрэгжүүлэхээр МАН ажиллаж байна. Ирэх дөрвөн жилд иргэд олсон орлогодоо нийцүүлэн байртай болох боломжийг тэд бүрдүүлэх нь. Алсыг харсан аливаа шийдвэр бат бөх суурьтай, урьдаас төлөвлөгдсөн, боломж гарцыг нь мэдэрсэн байх тусмаа хэрэгжих нөхцөл тодорхой байдаг. Шинээр улс төрд орж, өмнөх он жилүүдийн ажилтай танилцаж, дахин гарц гаргалгаа хайж цаг алдахгүйгээр МАН-ынхан эхлүүлсэн ажлаа дуусгаж, үр дүнгээ тодорхой харуулах гэж буй. Тийм дээ ч тэд иргэдэд хийсвэр зүйл амлаагүйн нэг нь орон сууцжуулах асуудал.  Нийгмийн даатгал төлдөг иргэн бүр байртай болох боломж нээгдэнэ. Өөрөөр хэлбэл, нийгмийн даатгал төлдөг хэмжээндээ тулгуурлан, өөрийн орлогоо тодорхойлуулж, урьдчилгаа төлбөргүйгээр орон сууцтай болох боломжийг МАН мөрийн хөтөлбөртөө тусгажээ. Ирэх он жилүүдэд Монгол улсад 150 мянган айл орон сууцтай болох бөгөөд 5000 айлын орон сууц нь Эрдэнэт хотод сүндэрлэх аж. Орлогод нийцсэн, түрээсийн, ногоон гэх зэрэг олон төрлийн орон сууц баригдах төсөл хэрэгжих бөгөөд ипотекийн зээлийн хүүг ч бууруулах боломжтой хэмээн үзсэн байна.