Ардчилсан намаас УИХ-ын 20 дугаар тойрогт нэр дэвшигч УИХ-ын гишүүн Октябрийн Баасанхүү, Орхон аймгийн Ардчилсан намын дарга Цогтсайханы Батхуяг, УИХ-ын АН-ын бүлгийн хуулийн бодлогын зөвлөх Дэмбэрэлийн Оросоо нар Орхон аймгийн Жаргалант суманд ажиллалаа. Жаргалант сумын иргэд сонгогчид Ардчилсан намын нэр дэвшигчдийг өндрөөр үнэлэн, хүлээн авч дэмжинэ гэдгээ илэрхийлсэн юм. Жаргалант сумын хувьд Орхон аймгийн хөдөөгийн ганц сум бөгөөд сумын иргэдийн дийлэнх нь мал аж ахуй, газар тариалан эрхэлдэг. Өмнө нь уг тойргоос УИХ-д сонгогдсон О.Содбилэг гишүүн сумын иргэд рүү чиглэсэн ганц ч ажил хийгээгүй гэдгийг сонгогчид өгүүлсэн. Тэдний хувьд энэ удаагийн сонголт маш чухал гэдгийг онцлоод, хариуцлагатай хандах хэрэгтэйг ч хэлж байлаа. МАН өнгөрсөн дөрвөн жилд УИХ-д 65-уулаа засагласан ч ард түмний амьдрал сайжирсангүй. Харин иргэд энэ удаагийн сонгуулиар өмнөх алдаагаа давтахгүй гэдгээ хэлээд, “Ардчиллаа хамгаалж Монголоо гэрэлтүүлэх” сонголт хийнэ гэлээ. "Ухаангүй ноёнд урагшгүй албат" гэгчээр Жаргалант сумын удирдлагууд төрийн далбаагаа урвуу харуулан мандуулжээ. Өнөөгийн эрх баригчдын бодит байдлыг илэрхийлэх мэт уг дүр зураг цугласан олны эгдүүцлийг багагүй хүргэсэн.  АН-ын Сонгуулийн штаб