“BLACK LIVES MATTER” ХӨДӨЛГӨӨН АНУ-ЫН БҮХ МУЖ, 40 ОРЧИМ УЛСАД ӨРНӨЖ БАЙНА
Арьс өнгөөр ялгаварлан гадуурхах үзлийн эсрэг жагсаал өргөн хүрээг хамарч байна. АНУ-ын бүх муж болон 40 орчим улсад "Black Lives Matter" хөдөлгөөн өрнөж байна.
Өнгөрсөн амралтын өдрүүдэд харьцангуй тайван жагсаал болжээ. АНУ-ын Ерөнхийлөгч Дональд Трамп ням гарагт Үндэсний Гвардыг Вашингтоноос татахаар шийдвэрлэснээ “Twitter”-ээрээ жиргэсэн байна. "Бүгдийг хяналтдаа авсан" гэж тэрбээр мэдэгджээ. Вашингтонд бямба гарагт 45 мянган хүн жагсаалд оролцсон байна. Нью-Йорк хот хөл хориогоо даваа гараг буюу өнөөдрөөс цуцална гэж мэдэгдсэн юм. Хотын хэмжээнд бүх жагсагчдад оношилгоонд орох шаардлага тавьж эхэлсэн байна. Үүнээс гадна Их Британид болсон жагсаалын үеэр жагсагчид XVII зууны боолын худалдаа эрхлэгч Эдвард Колстоны хөшөөг буулгажээ.
Цагдаа нар хавтаст хэрэг нээн шалгаж эхэлсэн байна. Цагдаа нарын гарт амиа алдсан Жорж Флойдыг оршуулах ёслол энэ сарын есөнд буюу болно. Түүнд хүч хэрэглэсэн цагдаагийн ажилтан асан Дерек Шовины шүүх хурал үргэлжилж байна. II зэрэглэлийн хүн амины хэрэгт буруутгагдаж байгаа түүнд 40 хүртэлх жилийн хорих ял ногдуулж магадгүй байгаа ажээ. Сенатын шүүх хороо Жорж Флойдын хэргээр ирэх мягмар гарагт сонсгол явуулах юм.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.