УИХ-ын сонгуулийн 20 дугаар тойрог, Орхон аймагт МАН-аас нэр дэвшигч Дамбын Батлут, Батнасангийн Оюунгэрэл, Цэндийн Нямдорж нарын иргэд, сонгогчидтой хийх уулзалт Оюут, Зэст багт үргэлжилж байна.             Сонгуулийн сурталчилгаа албан ёсоор эхлээд хэд хоночихлоо. Нэр дэвшигчид иргэд, сонгогчидтой уулзалт зохион байгуулж, цахим орчинд ч нэр, нүүргүй хуурамч хаягны гүтгэлэг, доромжлол хүчээ авч байна. Гэхдээ сонгогчид хэдийн сонголтоо хийсэн нь илэрхий. Эрдэнэтчүүдийн хувьд нэн тэргүүнд асууж, анхаарч байгаа зүйл бол Эрдэнэт үйлдвэрийн асуудал. Цэндийн Нямдорж сайдын хэлсэнчлэн Эрдэнэтийнхэн төдийгүй Монголчууд энэ үйлдвэртээ дэндүү хайртай юм. Тийм ч учраас Эрдэнэт үйлдвэрээ төрийн мэдэлд байлгаж, хулгайчдын савраас ангид авахыг хүссэн иргэдийн сэтгэгдэл тасрахгүй, үүний араас тууштай тэмцэж яваа Ц.Нямдорж сайдаас энэ тухай тодруулсан хүн цөөнгүй.             2016 оны сонгуулийн өмнөх өдөр Монгол улсын Ерөнхий сайд асан Ч.Сайханбилэг гэнэт зарлаж, Эрдэнэт үйлдвэрийн ОХУ-ын талын 49 хувийг Монголын компани худалдан авсан талаар мэдээлэл хийснийг бид мартаагүй. Үнэн хэрэгтээ Монголын компани тодруулбал Худалдаа хөгжлийн банкны охин компани өөрийн мөнгөөр биш төрийн мөнгөөр авсан байлаа. Энэ бол олон жилийн өмнөөс зохион байгуулагдсан луйвар гэдгийг Ц.Нямдорж сайд хэлж байгаа. Монголын ачааг нуруун дээрээ 40 жил үүрсэн энэ үйлдвэрийн өгөөж айл бүрт, иргэн болгонд хүрдэг билээ. 2015 онд улсын төсөвт 500 тэрбум төгрөг төвлөрүүлсэн Эрдэнэт үйлдвэр 2016 онд “хулгайчдын гарт очоод”, 170 тэрбум төгрөгийг л төлжээ. Харин Эрдэнэт үйлдвэр 100 хувь төрийн мэдэлд шилжсэнээр 2019 онд түүхэн дээд амжилт үзүүлж, улсын төсөвт нэг их наяд төгрөгийн татвар төлсөн байна. Ялгааг бид үүнээс харж болно.              Монголын ард түмнийг 40 гаруй жил тэтгэсэн энэ үйлдвэрийг  луйварчдад алдахгүй гэж Цэндийн Нямдорж гэдэг хүн амь бие, ар гэрт нь ирсэн дайралтыг сөрөн тэмцсэн юм. Угтаа нэг үйлдвэр, хотын асуудал мэт боловч Эрдэнэт үйлдвэр бол Монгол улсын тусгаар тогтнол, аюулгүй байдлын баталгаа. Ирэх дөрвөн жилд энэ тэмцэлээ үргэлжлүүлэн хийж, дахиж хэзээ ч луйварчдад алдахааргүй болгох үндсийг тавихаар тэр Эрдэнэт хотыг, Эрдэнэтийн иргэд сонгогчдыг зорин ирсэн юм. Тэр тэмцэхдээ бидэнтэй ХҮЧЭЭ НЭГТГЭЖ тэмцэхээр ирсэн юм. Иймээс бид хариуцлагатай, Монголын тусгаар тогтнолыг баталгаажуулж, хамгаалсан сонголтын өмнө ирээд байна.             Үндсэн хуулийн өөрчлөлтөөр ялсан намын дарга Ерөнхий сайд болдог болсон. Ерөнхий сайд Засгийн газраа өөрөө байгуулахаар болсон. Эрдэнэт үйлдвэрийн хуйвалдааны ард бат зогсож байсан эрхмүүд энэ удаагийн сонгуульд Ардчилсан намаас олноороо нэр дэвшиж байгааг ч нуугаад яахав. Эдгээр эрхмүүд ялалт байгуулж гэмээнэ хүслээ гүйцээж, эрх мэдлийг гартаа аван, Эрдэнэтийн асуудал хувьд бүрэн шилжих магадлал тун өндөр гэдгийг ч энд сануулъя.             Нийт Эрдэнэтчүүд  та бүхэн минь их үйлдвэрийнхээ хувь заяаг тэгшитгэн шийдэж, Монгол улсынхаа тусгаар тогтнол аюулгүй байдлыг хамгаалж, шударга Ерөнхий сайд У.Хүрэлсүхийн тэмцлийг үргэлжлүүлэхийн төлөө МАН-аас нэр дэвшигчдийг “ХҮЧЭЭ НЭГТГЭН” багаар нь дэмжихийг уриалж байна. Эрдэнэт үйлдвэрээ босголцсон, энэ зэрэгт хүргэсэн хөдөлмөрч, бүтээлч ахмадууд ч үүнийг хүсч, уулзалт бүхэнд үгээ хэлж, уриалж байгаа юм.