Энэ удаагийн сонгуульд нийт 13 нам, 4 эвслийн 482, бие даан нэр дэвшсэн 121, нийт 606 нэр дэвшигч  өрсөлдөж байна. Эдгээр нэр дэвшигчдийн Хөрөнгө орлогын мэдүүлгийг АТГ-аас нээлттэй зарлалаа. Зарим нэр дэвшигчдийн хөрөнгө орлогын мэдүүлгээс хүргэж байна. Хамгийн их орлоготой нь: АН-аас Нийслэлийн СХД-т нэр дэвшигч Б.Пунсалмаа. Тэрээр 85 тэрбум төгрөгийн жилийн орлогтойгоороо нэр дэвшигчдийг тэргүүлж байна. Түүнчлэн, Хөвсгөл аймагт МАН-аас нэр дэвшигч Л.Энх-Амгалан  жилийн 5,1 тэрбум төгрөгийн орлоготой гэжээ. Хамгийн их үл хөдлөх хөрөнгөтэй нэр дэвшигчээр АН-аас СХД-д нэр дэвшиж буй Д.Батбаяр нэрлэгдэж байна. 70 тэрбум төгрөгийн үл хөдлөх хөрөнгөтэй гэж мэдүүлсэн байна. Хамгийн өндөр үнэлгээтэй малтай  нэр дэвшигч: УИХ-ын сонгуульд Дундговь аймагт АН-аас нэр дэвшигч Б.Наранхүү 5 тэрбум төгрөгөөр үнэлэгдэх малтай, 1,3 тэрбум төгрөгөөр үнэлэгдэх тээврийн хэрэгсэлтэй гэж мэдүүлсэн байна. Харин  МАН-аас СХД-т нэр дэвшиж байгаа П.Анужин 1 тэрбум төгрөгийн үнэлгээ бүхий малтай , Хурдан удмын 200 адуутай гэж мэдүүлснээрээ нэр дэвшигчдийг тэргүүлж байна. Хамгийн их хадгаламжтай нэр дэвшигч бол    МАН-аас Баянгол дүүрэгт нэр дэвшиж байгаа Ж.Ганбаатар. Тэрээр  25 тэрбум төгрөгийн хадгаламжтай гэж мэдүүлсэн байна. Түүнчлэн, олны танил, урлаг спортын салбарын төлөөлөл, томоохон албан тушаалж хашиж буй цөөнгүй хүмүүс энэ удаагийн сонгуульд нэр дэвшиж байгаа. Тэдгээрийн заримынх нь хөрөнгө, орлогыг авч үзье.УИХ-ын гишүүн Самандын Жавхлан энэ Увс аймагт АН-аас нэр дэвшиж байгаа – Тэрээр жилийн 30 сая төгрөгийн орлоготой, гэр бүлийн гишүүдийнх нь орлого 44 сая. 816 сая төгрөгөөр үнэлэгдэх 2 орон сууц, 1 гэртэй. 127 сая төгрөгөөр үнэлэгдэх малтай. Нийслэлийн Засаг дарга С.Амарсайхан. Түүний өөрийн жилийн орлого нь 83 сая, гэр бүлийн гишүүдийнх нь орлого 173 сая төгрөг.  77 сая төгрөгийн хадгаламжтай. “Оюуны Ундраа Групп ХХК”ийн хувьцааны 24 хувийг эзэмшдэг. "МСГ" банк бус санхүүгийн байгууллагыг 100 хувь эзэмшдэг байна. Д.Кёкүшюзан Батбаяр Нийслэлийн СХД-т АН-аас нэр дэвшиж байна. Түүний хувьд жилийн орлого нь 601 сая төгрөг. Гэр бүлийн гишүүдийнх нь орлого 13,2 тэрбум төгрөг. нийт 70 тэрбум төгрөгийн үнэлгээтэй долоон үл хөдлөх хөрөнгө эзэмшдэг, 7.5 тэрбум төгрөгийн хадгаламжтай юм байна.  3000 үхэртэй гэжээ. МУ-ын гуравдахь Ерөнхийлөгч   Н.Энхбаярын хүү Э.Батшугар энэ удаагийн сонгуульд МАХН-аас Нийслэлийн СХД-т нэр дэвшигч байна. Тэрээр 93 сая төгрөгийн жилийн орлоготой. Гэр бүлийн гишүүдийнх нь орлого 611 сая төгрөг. 100 сая төгрөгөөр үнэлэгдэх 1 орон сууцтай. 87 сая төгрөгийн хадгаламжтай,  хоёр тэрбум төгрөгийн зээлтэй гэжээ. эх сурвалж: urug.mn