Хүн элсэн цөлд ой модыг ургуулж, хангай газрыг бүтээж, эсвэл хангай газрын модыг нь тайрч амьтан, ургамлыг нь мөхөлд хүргэж чадсан олон жишээг мэднэ.   Өөрөөр хэлбэл хүн, байгаль экологийг сүйтгэж, эсвэл бүтээж чаддагыг өнгөрсөн, одоо үе харууллаа. Харин, ирээдүйд ийм зүйл болгохгүйн төлөө өнөөдрөөс үйлдэл   бүрээ цэгнэж, сайхан ирээдүйг бүтээцгээе.  Эрдэнэт хот, ногоон хот болон сүндэрлэж хүн, амьтан, ургамал амьдрах хамгийн таатай, төгс хотыг бид бүтээж чадна. Нэг мод, нэг үг, нэг үйлдлээс бидний хүсч,   мөрөөдөөд байгаа Австрали, Швецари, Канад шиг сайхан хотыг бий болгож чадна. Өөрт байгаа үнэт зүйлээ улам тордож арчилж чадвал хүний сайхан зүйлд дурлаж биш өөрийнхөө сайхан хотод аз жаргалтай амьдрах боломжийг үр хүүхэддээ өвлүүлэх юм. Тиймээс “Эрдэнэт хотын хөгжил бодлого судалгааны хүрээлэн”-ийн тэргүүн БАТ-ӨЛЗИЙН БАТ-ЭРДЭНИЙН санаачилгаар Орхон аймгийн “Монголын ёс заншлын цогцолбор”-т Үндэсний мод тарих өдөр буюу 10 сарын 12-ны өдөр  1000 мод тарих уриалгыг гарган хэрэгжүүлэхээр боллоо. Энэ аянд Солосэйф ХХК, Орхон аймгийн хоккейн холбоо, Х бүүст, “Эрдэнэт Сайхан бүсгүйн” гурпп, Золотой руно ХХК, Бид зорилготой ТББ-ийн хамт олон нэгдэж 1000 мод тарьж ургуулах юм. Модны үр суулгахаас илүү түүнийг арчилж, тордох нь хамгийн чухал.  Тиймээс суулгасан модоо байнгын арчилж сүрлэг ойг хамтдаа бүтээх зорилго тавин ажиллаж эхэллээ. БАТ-ӨЛЗИЙН БАТ-ЭРДЭНЭ өөрийн цахим хаягаараа "Уух устай, уулс толгодтой, урсах голтой, өвлүүлэх газар нутагтай байя гэвэл мод тарь. Гэрэлтэй амьдралын төлөө хамтдаа.  Бид ургуулна. 10 сарын 12-нд уулзацгаая хэмээн олон нийтэд уриалжээ. Аянд нэгдэхийг хүссэн хүн бүрт нээлттэй. Эрдэнэт хотоо "НОГООН  ХОТ" болгохын төлөө хамтдаа зүтгэцгээе.                                              “ГЭРЭЛТЭЙ ЭРДЭНЭТ” хөтөлбөр “НОГООН ХОТ” төслийг эхлүүллээ