\/2019.07.24\/-нд Төв аймгийн Сум дундын эрүүгийн хэргийн анхан шатны шүүхэд С.Зоригийн амь насыг хөнөөсөн хэрэгт ял эдэлж буй Б.Содномдаржаа, Т.Чимгээ нарыг эрүүдэн шүүсэн гэх хэргийн шүүх хурал болсон. Гэвч шүүгдэгч талаас шүүх бүрэлдэхүүнээс татгалзсан тул наймдугаар сарын 12-ны өдрийг хүртэл хойшлуулсан билээ.  Тэгвэл тус хурлын дараахан УИХ-ын гишүүн О.Баасанхүү өөрийн твиттер хуудаснаа  “С.Зоригийн хэргийн хувьд захиалагч, гүйцэтгэгч, хамжигч хатгагч, зохион байгуулагч, санхүүжүүлэгч нар байгаагаас гадна хэрэг саармагжуулагчдын баг гэсэн бүхэл бүтэн бүлэг ажиллаж байгаа нь тодорхой байна. Саармагжуулагчдын багийг тогтоон Тагнуулын ерөнхий газраас эрүүгийн хэрэг үүсгэсэн гэж ойлгосон” хэмээн жиргэжээ.