Ерөнхийлөгч Х.Баттулга: Үндсэн хуулийн зөвшилцлийн ажлын хэсгийг даргална

Ерөнхийлөгчөөс өргөн мэдүүлсэн Үндсэн хуульд нэмэлт, өөрчлөлт оруулах саналыг УИХ-ын гишүүн Д.Лүндээжанцан болон нэр бүхий 62 гишүүний өргөн мэдүүлсэн Үндсэн хуульд нэмэлт өөрчлөлт оруулах хуулийн төсөлтэй уялдуулах, асуудлыг зөвшилцөх ажлын хэсэг байгуулахаар болов. Одоо УИХ-ын нэгдсэн чуулганаар хэлэлцэн батлах үлдэж байна. Ажлын хэсгийг Монгол Улсын Ерөнхийлөгч Х.Баттулга даргалан ажиллах бол орлогч даргаар Ерөнхий сайд У.Хүрэлсэх ажиллана. Харин ажлын хэсгийн Нарийн бичгийн даргаар УИХ-ын гишүүн С.Бямбацогт ажиллах бол гишүүдэд УИХ-ын гишүүн Д.Тогтохсүрэн, Д.Эрдэнэбат, Ө.Энхтүвшин, Ц.Нямдорж, С.Эрдэнэ нар багтсан юм. Зөвшилцөх ажлын хэсэг Үндсэн хуульд нэмэлт, өөрчлөлт оруулах хуулийн төслийг хоёрдугаар хэлэлцүүлэгт бэлтгэх хугацаанд зөвшилцлийг хангаж ажиллах юм байна.