Шинийн 4-ний ажлын өдрийг ирэх бямба гарагт шилжүүллээ
Засгийн газрын ээлжит хуралдаан 2019 оны нэгдүгээр сарын 30-ны өдөр болж, Сар шинийн баярыг өргөн дэлгэр тэмдэглэн өнгөрүүлэх, иргэдийн амралт, чөлөөт цагаа зөв зохицуулах боломжийг бүрдүүлэх зорилгоор 2019 оны 02 дугаар сарын 08-ны баасан гарагийн ажлын өдрийг 02 дугаар сарын 02-ны өдрийн бямба гарагт шилжүүллээ.
Нийтээр тэмдэглэх баярын болон тэмдэглэлт өдрүүдийн тухай хуулийн 4.1.3-т р билгийн тооллын хаврын тэргүүн сарын шинийн 1, 2, 3-ны өдрүүдэд бүх нийтээр амарна хэмээн хуульчилсан байдаг.
Хөдөлмөрийн тухай хуульд “Нийтээр амрах баярын өдөр, долоо хоног бүрийн амралтын өдөр ойрхон тохиосон тохиолдолд долоо хоногийн ажил, амралтын өдрийг Засгийн газрын шийдвэрээр зохицуулж болно” гэж заасан байдаг.
Энэ жилийн хувьд хоёрдугаар сарын 5, 6, 7-ний өдрүүд нь сар шинийн баярын өдөр тохиож байгаа бөгөөд тус шийдвэр ёсоор иргэд хоёрдугаар сарын 5-наас 10-ныг дуустал амрахаар болж байна.
0
0
0
0
0
0
.jpg)
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.