Өнөөдөр хуралдаж байгаа Засгийн газрын ээлжит хуралдаанаар Ерөнхий сайд У.Хүрэлсүх: Ажил дээрээ архи уусан төрийн албан тушаалтан бүрийг ажлаас нь халж байхыг үүрэгдлээ. Бүх яам, агентлагт хийсэн шалгалтын талаар ЗГ-аас дэг журмыг чангатгах, сахилгын тогтоол гаргалаа. Ажлын байранд архи уусан төрийн хариуцлагатай хүнийг ажлаас чөлөөлж байх сахилгын арга хэмжээ авч байхыг Ерөнхий сайд үүрэгдэв. Орон нутагт ч гэнэтийн шалгалт хийх, хэлтсийн даргаас дээш бүх төрийн албан хаагчидтай Ерөнхий сайд уулзалт хийж сахилга батыг дээшлүүлэх, иргэдэд хүнд сурталгүй үйлчлэх талаар зөвлөгөөн хийхээр болжээ. Засгийн газрын ээлжит хурал үргэлжилж байна.