ЭРДЭНЭТИЙН 50 ЖИЛИЙН ОЙН МЕДАЛИЙГ 50-ААС ДЭЭШ НАСНЫ, 20-30 ЖИЛ ЭРДЭНЭТЭД АЖИЛЛАЖ, АМЬДАРСАН ИРГЭДЭД ОЛГОХООР ХОЛБОГДОХ БАЙГУУЛЛАГУУДАД ХУВААРИЛЖЭЭ

  Эрдэнэт хотын түүхт 50 жилийн ойн баяр наадмын бэлтгэл ажлын хүрээнд нийт 120 гаруй ажил төлөвлөсөн. Үүний нэг нь ойн медаль үйлдвэрлэн, хотын хөгжил, бүтээн байгуулалтад хувь нэмрээ оруулсан иргэд, байгууллагуудад олгох ажил юм.

Энэ жилийн 50 жилийн ойн медалийг нийт 15 мянган ширхэгээр захиалан хийлгэж,  аж ахуйн нэгж, байгууллага, холбоод, төрийн бус байгууллагуудаас ирүүлсэн хүсэлтийн дагуу хуваарилжээ. Тухайлбал, Эрдэнэт үйлдвэр ТӨҮГ-т 1500 ширхэгийг олгосон гэж  Орхон аймгийн ЗДТГ-ын ТЗУХ-ийн дарга М.Жанболат хэллээ. 

Медаль олгох тусгай журам батлагдаагүй хэдий ч ахмад настнууд, 50-аас дээш насны, Эрдэнэт хот, Орхон аймагт 20-30 жил ажиллаж, амьдарсан иргэдэд нэн тэргүүнд олгох чиглэл баримталсан байна. Мөн нэг иргэнд медалийг давхардуулан олгохгүй байхыг анхааруулжээ. Тухайлбал, тухайн иргэн ахмадын холбоо, байгууллага, салбарын холбоо зэрэг олон сувгаар нэр дэвшиж, давхар медаль авахгүй байхад байгууллагууд судалгаатай, нягтлан хуваарилах чиглэл өгсөн байна. 

/media/uploads/2026/07/21/f54767c3-65c7-4f31-9f6a-0c43a3039ead-1_iUwrXS1.mp4