Төрийн захиргааны гүйцэтгэх албан тушаалын тусгай шалгалтыг энэ сарын 23-ны өдөр зохион байгууллаа.  Энэ удаагийн тусгай шалгалтад аймгийн Жаргалант сумын Засаг даргын Тамгын газрын Хууль эрх зүй, хяналт шинжилгээ үнэлгээ хариуцсан мэргэжилтэн, аймгийн Татварын газрын Жижиг татвар төлөгчтэй харилцах тасгийн Татварын улсын байцаагч, Бичил татвар төлөгчтэй харилцах тасгийн Сумын татварын улсын байцаагч, Эрүүл мэндийн газрын Эрүүл мэндийн боловсрол, сургалт сурталчилгаа, олон нийт хариуцсан ахлах мэргэжилтэн, Эрүүл мэндийн ажилтны нийгмийн асуудал шагнал урамшуулал хариуцсан мэргэжилтэн, Хоол тэжээл, хүнсний аюулгүй байдал, амны хөндийн эрүүл ахуй хариуцсан мэргэжилтний албан тушаалын сул орон тоонд 25 оролцогч оролцов.

Эдгээр оролцогч нь тухайн албан тушаалын тодорхойлолтод заагдсан мэргэжлийн болон туршлагын тусгай шаардлага болон цахимаар ирүүлэх баримт бичгийн бүрдэл хангасан оролцогч нар  байлаа.

 Салбар зөвлөл нь сонгон шалгаруулалтын тайланг хянаж, шалгалтад тэнцэж хамгийн өндөр оноо авсан оролцогчийг тухайн албан тушаалын сул орон тоонд томилуулахаар нэр дэвшүүлнэ. Нэр дэвшсэн албан хаагч, иргэнийг томилох эрх бүхий байгууллага, албан тушаалтан Салбар зөвлөлийн тогтоолыг хүлээн авсан өдрөөс хойш 30 хоногийн дотор томилно.

Мөн өнөөдөр буюу аравдугаар сарын 24-нд   Төрийн үйлчилгээний төсвийн шууд захирагчийн  албан тушаалын тусгай шалгалтуудыг зохион байгууллаа.
Энэ удаагийн тусгай шалгалтад Жаргалант сумын Ерөнхий боловсролын сургуулийн захирал, тус сумын Соёлын төвийн дарга, Баян-Өндөр сумын 6, 8 дугаар болон “Эрх бүжинхэн” цэцэрлэгийн эрхлэгч нарын албан тушаалын сул орон тоонд  зохион байгуулав. Тухайн албан тушаалын тодорхойлолтод заагдсан мэргэжлийн болон туршлагын тусгай шаардлага,  цахимаар ирүүлэх баримт бичгийн бүрдэл хангасан 6 оролцогч оролцлоо.