Аймгийн ИТХ-ын хөгжлийн хороодын хамтарсан хуралдаанаар 2026 оны хөгжлийн жилийн төлөвлөгөөг хэлэлцлээ

Орхон аймгийн Иргэдийн Төлөөлөгчдийн Хурлын Хөгжлийн хороодын хамтарсан хуралдаан өнөөдөр болж, аймгийн 2026 оны хөгжлийн жилийн төлөвлөгөөний төслийг хэлэлцлээ.

Хуралдаанд ИТХ-ын Эрх зүй, нутгийн удирдлагын хөгжлийн хороо, Нийгмийн хөгжлийн хороо, Байгаль орчин, хөдөө аж ахуйн хөгжлийн хороо хамтран оролцож, төслийн агуулга, зорилт, хэрэгжилтийн шалгуур үзүүлэлтүүдийн талаар санал солилцов.

Хороод хэлэлцсэн асуудлуудтай холбоотой санал, дүгнэлтээ нэгтгэн, маргааш /2025.09.18/-нд хуралдах аймгийн ИТХ-ын ээлжит дөрөвдүгээр хуралдаанд танилцуулах юм.