Монгол Улсын Ардын Их хурлын бодлого шийдвэрээр залуу мэргэжилтэн, боловсон хүчнүүдийг Эрдэнэт үйлдвэр, Эрдэнэт хотыг бүтээн байгуулахад илгээсэн нь өнөөдрийг хүртэлх уул уурхайн үйлдвэрлэлийн болон, орон нутгийн хөгжлийн өнгөрсөн 50 жилийг бүтээсэн түүхтэй.

   Харин өнөөдөр Монгол Улсын урт хугацааны хөгжлийн бодлого  “Алсын хараа-2050”, засгийн газрын үйл ажиллагааны хөтөлбөртэй уялдуулан, хөгжлийн дараагийн шат шинэ эринээ орон нутаг нь Эрдэнэт үйлдвэр” ТӨҮГ-тайгаа хамтран бүтээхээр “Эрдэнэт шинэ илгээлт” төслийг танилцуулж, санамж бичиг үзэглэлээ.

Тус төсөл нь бүс, орон нутагт төдийгүй , улсын хүн ам, эдийн засгийн өсөлтөд чухал нөлөө үзүүлнэ гэсэн тооцоололтой. “Эрдэнэт шинэ илгээлт” төслийг хэрэгжүүлэхдээ "Уул уурхай-металлурги-химийн үйлдвэрийн цогцолбор"

1. Үйлдвэрлэл, технологийн парк төсөл
2. “Зэсийн баяжмал хайлуулах, боловсруулах үйлдвэр” төсөл
3. Машин үйлдвэрийн бүтээгдэхүүн үйлдвэрлэлийн кластер байгуулах-“Эрдэнэт машин” цогцолбор төсөл
4. “Сургалт-Эрдэм шинжилгээ- Үйлдвэрлэлийн цогцолбор" хотхон байгуулах төсөл
5. Үүсмэл ордыг үр ашигтай ашиглах төсөл
6. Хаягдлын шинэ сан байгуулах төсөл
7. “Төлөвлөлттэй хот” төсөл
8. “Цэвэр агаартай хот” төсөл
9. “Ухаалаг хот” төсөл
10. “Чанартай авто замтай хот” төсөл
11. “Ногоон хот” төсөл
12. “Эрүүл, оюунлаг хот”  гэсэн 12 төслийг Орхон аймаг, "Эрдэнэт үйлдвэр" ТӨҮГ хамтран  хэрэгжүүлнэ. Төсөл тус бүрийн танилцуулгыг Амарын талбайд хийж байна.