Орхон аймгийн ИТХ ээлжит бусаар хуралдаж, “Эко” хорооллын гэмтэлтэй инженерийн шугам сүлжээг яаралтай засварлах төсөвт зохих зохицуулалт хийв
Орхон аймгийн ИТХ ээлжит бусаар цахимаар хуралдаж, “Төсөвт зохицуулалт хийх тухай” асуудлыг хэлэлцлээ. Ингэхдээ “Эко” хорооллын дулаан хангамжийн шугам сүлжээг хэсэгчлэн солих ажлын тендер өмнөх саруудад амжилтгүй болсонтой холбоотойгоор дахин тендер зарлах, УДХТ-өөс сувагт 5 хос 240м шугамыг шинээр татах ажлыг Болзошгүй аваарын зардалд шилжүүлэн, гэрээгээр гүйцэтгүүлэхээр ИТХ-ын олонхын саналаар шийдвэрлэжээ.
Өнөөдрийн байдлаар Эко хороололд 113 өрх, айл оршин сууж байгаагийн 83 айл өрх инженерийн шугам, сүлжээний гэмтлээс шалтгаалж халаалтгүй байгаа тул ийнхүү яаралтайгаар шийдвэрлэжээ. ИТХ-ын шийдвэртэй холбоотойгоор “Эрдэнэт Ус” Дулаан түгээх сүлжээ ОНӨХК туслан гүйцэтгэгчээр арга зүйн зөвлөгөө өгч, хяналт тавьж ажиллахаар болжээ.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.