Салбар яамны шийдвэрийн дагуу сурагчид "Хийморь" худалдааны төв буюу "Түрээсийн байр"-нд хичээллэнэ

Эрдэнэт хотын анхны сургуулиудын нэг Ерөнхий боловсролын III сургуулийн сурагчид энэ хичээлийн жилд "Түрээсийн байр"-нд хичээллэнэ. Ашиглалтад ороод 40 гаруй жил болсон  тус сургуулийн барилгын элэгдлээс шалтгаалж, тус сургуулийн нурааж, дахин барих болсон. Ингэснээр БШУЯ-ны шийдвэрийн дагуу "Хийморь" худалдааны төвийн байранд хичээллүүлэхээр болжээ. Түрээсийн төлбөрийг салбар яамнаас гаргана гэж аймгийн удирдлагууд мэдэгдлээ.      Тодруулбал, мэргэжлийн байгууллагын 5 удаагийн дүгнэлтээр цаашид ашиглах боломжгүй гэж үзсэн. Иймд 2021 онд нураах шийдвэр гаргаснаар ажил эхлээд явж буй. Харин шинээр барих сургуулийн барилгын ажилд нийт улсын төсвийн 14 тэрбум зарцуулах аж.