“Олон улсын сувилагч нарын өдөр”-ийг тохиолдуулан эрхэлсэн ажилдаа амжилт гаргаж, Эрдэнэт хотынхоо хүн амын эрүүл мэндийн энхийн манаанд зогсож байгаа 50 орчим сувилагч, тусгай мэргэжилтнүүдийг Эрүүл мэндийн яам, аймгийн иргэдийн Төлөөлөгчдийн Хурал, Засаг даргын нэрэмжит шагналаар шагнаж урамшууллаа.
Өнөөдөр тэдний төлөөлөлд ёслол хүндэтгэлгийн өргөөнд шагналыг нь гардуулан өглөө. Шагнал гардуулах үйл ажиллагаанд аймгийн ИТХ-ын дарга Д.Мөнхбат, аймгийн Засаг дарга С.Батжаргал, аймгийн Засаг даргын орлогч А.Түвшинжаргал, М.Түмэнжаргал нар оролцлоо.
Түүнчлэн цар тахлын үед нийгмийн хариуцлагаа ухамсарлан хариуцлагатай ажиллаж буй өрхийн эрүүл мэндийн төв, Эрдэнэт сувилал цогцолбор, Хувийн хэвшлийн Чандмань-Эрдэнэ холбоо, БОЭТ-ийн сувилахуйн албаны хамт олныг нийт 15 сая төгрөгөөр урамшууллаа. Аймгийн хэмжээнд эрүүл мэндийн байгууллагын зургаан салбарт 756 сувилагч, тусгай мэргэжилтнүүд ажилладаг байна.
Орхон -10°
Булган -6°
Дархан-Уул -5°
Улаанбаатар -5°
Сэтгэгдлүүд 0