Орхон аймгийн Онцгой Комисс хөл хориог сулруулахтай холбоотойгоор хуралдаж зарим шийдвэрийг гаргаснаа танилцууллаа. Үүнд хот хоорондын хөдөлгөөнийг энэ сарын 21-ны өдрийг хүртэл хязгаарласан. Мөн архи согтууруулах ундааг худалдан борлуулахгүй байх шийдвэр үргэлжлэхийг мэдэгдлээ.  Зах худалдааны төвүүдийг  вакцинд хамрагдсан, халдвар хамгааллын дэглэм сахиж ажиллах боломжтойг нарийвчлан судалсаны үндсэн дээр үе шаттайгаар нээх шийдвэр гаргах аж. Үйл ажиллагаа нь нээгдсэн байгууллагаар ойрын болон дам хавьтал, гэрийн тусгаарлалтад байх ёстой иргэдийг үйлчлүүлж байгаа эсэхэд CTR системээр хяналт тавина. Харин хот дотрох тээврийн хэрэгслийн зорчих хөдөлгөөний хязгаарлалтыг цуцаллаа.