Халдварын бүсэд ажиллаж байсан сувилагч 6 давхраас унаж нас баржээ

ЦЕГ-ын мэдээлснээр, СБД-ийн 1-р хороо “1-р эмнэлгийн зүүн жигүүрийн 6 давхраас хүн унаж нас барлаа” гэсэн мэдээлэл 4-р сарын 29-ний 00:23 цагт цагдаагийн байгууллагад ирснийг СБД-ийн Цагдаагийн 1-р хэлтэс шалгаж байна. Амь хохирогч тус эмнэлгийн сувилагч ажилтай хүн байсан бөгөөд хэргийн шалгаан нөхцлийг тодруулахаар цагдаагийн байгууллага ажиллаж байна. Амь хохирогч 1-р эмнэлгийн Ковидын эмчилгээний тусгаарлалтын бүсэд ажиллаж байжээ. Хэрэг гарсан шалтгаан нөхцлийг цагдаагийн байгууллагаас шалгаж тогтооно гэлээ.