Орхон аймгийн Онцгой Зомиссын шуурхай штабаас халдварын тархалтын талаар цаг үеийн мэдээлэл хийлээ. Тодруулбал өнгөрсөн 24 цагийн хугацаанд нийт 19 иргэнээс халдвар илэрч, нийт халдварын батлагдсан тохиолдол 338 болсон байна. Шинээр батлагдсан тохиолдлын 16 нь ойрын хавьтлаас, 3 тохиолдол сайн дураар шинжилгээ өгсөн иргэнээс илэрсэн аж.  Одоогоор БОЭТ-ийн халдвартын тасагт 69 хүн тусгаарлагдан эмчлэгдэж байна.Үүнээс биеийн байдал хөнгөн - 51, хүндэвтэр- 18 хүн эмчлэгдэж байна. Харин нийт халдварын 25 хувь буюу 80-нь хүүхдүүд байгаа нь халдварын тархалт хүүхдүүдийн дунд хурдацтай өсч буйг харуулж байна.  Иймээс эцэг эхчүүдэд үр хүүхэддээ тавих хараа хяналт, анхаарлаа сайжруулахыг зөвлөж байна.