Аймгийн Засаг даргын зөвлөлийн 2021 оны 9 дэх удаагийн хуралдаан өнөөдөр цахимаар хуралдлаа. Энэ хуралдаанаар “2022 оны улсын төсвийн хөрөнгө оруулалтаар шинээр хэрэгжүүлэх төсөл арга хэмжээний санал”, “Цахим Эрдэнэт-1” хөтөлбөрийн төслийн талаар Орхон аймгийн ЗДТГ-ын хөрөнгө оруулалт, хөгжлийн бодлогын хэлтсийн дарга С.Даваадорж танилцуулж, Засаг даргын зөвлөлийн гишүүдээр хэлэлцүүллээ.        2022 онд улсын төсвийн хөрөнгө оруулалтаар Эрдэнэт хотод “Авто вокзал”, Музейн барилга, Төрийн үйлчилгээний нэгдсэн төв, зарим сургуулийн өргөтгөл барих, Дэнж, Эрдэнэ багт инженерийн шугам сүлжээг тэлэх, барих зэрэг асуудлуудыг эхний ээлжинд эрэмбэлж Сангийн яаманд саналаа хүргүүлэхээр боллоо.         “Цахим эрдэнэт-1” хөтөлбөр нь МУ-ын засгийн газрын бодлоготой уялдаж байгаа бөгөөд Засгийн газраас 2019 оны 2 сарын 20-ны өдрийн 73 дугаар тогтоолоор “Цахим засаглал үндэсний хөтөлбөрийг баталсан билээ.     “Цахим эрдэнэт-1” хөтөлбөрийн төслийг “Эрдэнэт ШУТП”-ийн захирал, доктор Г.Энхбаяр боловсруулж иргэд олон нийт, мэргэжлийн холбоод, мэдээллийн технологийн ажилтнуудын саналыг уг төсөлд тусгасан байна.  Хөтөлбөрийг хэрэгжүүлэхдээ  орон нутгийн хөрөнгө оруулалт, гадаадын зээл тусламж, хамтын ажиллагаатай донор байгууллагуудаас санхүүжүүлэхээр төлөвлөж байна.           Хөтөлбөрийн төсөлд, Хотын захиргаа, төслийн нэгж, Нийгмийн аюулгүй байдал, эрүүл мэнд, Хог хаягдлын менежмент, Нийтийн тээвэр, замын хөдөлгөөн, Эрчим хүч мэдээллийн технологи, Бизнесийн хөгжил, аялал жуулчлал зэрэг зургаан бүлэгт 30 үйл ажиллагаа зохион байгуулахаар тусгасан байна.    Мөн “Ногоон Эрдэнэт” төслийг хэрэгжүүлэх талаар Хотын захирагчийн албаны дарга С.Ганцогт хэлэлцүүлэв. Эдгээр төслүүдийг аймгийн ИТХ-ын Тэргүүлэгчдийн хуралдаанаар хэлэлцүүлэхээр боллоо. Мэдээллийн төв