"ШАГ" нэгдсэн арга хэмжээний хүрээнд 14 зөрчлийг илрүүлжээ

Ковид-19 тархалтын батлагдсан тохиолдол өдрөөс өдөрт нэмэгдэж байгаатай холбоотойгоор Орхон аймгийн Засаг даргын захирамжаар 4-дүгээр сарын 9-ний өдрөөс 4-р сарын 25-ыг дуустал  аймгийн нутаг дэвсгэрт архи согтууруулах ундааг худалдан борлуулах, түүгээр үйлчлэхийг бүрэн хориглосон. Гэвч согтууруулах ундааг гар дээрээс  хууль бусаар худалдаалах зөрчил илэрсээр байна.  Орхон аймгийн Цагдаагийн газраас “Шаг” нэгдсэн арга хэмжээ зохион байгуулж, гэр хорооллын цагдаагийн газарт 14 үйлдлийг илрүүлсэн байна. Зөрчил гаргаж, онцгой комиссын шийдвэрийг зөрчсөн дээрх 14 үйлдэлд Зөрчлийн тухайн хууль, Гамшгийн тухай хуулийг зөрчсөн хэмээн үзэж 500,000 төгрөг хүртэлх  мөнгөн торгууль болон бусад арга хэмжээг авч байна.  Халдварын тархалт өдрөөс өдөрт нэмэгдсээр байгаа энэ цаг үед хууль бус худалдаа үйлчилгээг дэмжиж байгаа иргэд халдвартай хүний нэг хоёрдугаар хавьтал болох эсрдэлтэй гэдгийг цагдаагийн алба хаагчид сануулж байна. Иймд иргэн бүр хариуцлагаа ухамсарлаж, тэвчиж болох хорт зуршлаас татгалзахыг уриалж байна.