Орхон аймагт 7 хоногт 53 тохиолдол батлагдсан. Цаашид халдварын тархалт хурдацтай нэмэгдэж, нийт хүн амын 1 хувь өвчлөх, 4.24нд өвчлөл хүнд үедээ ирэх, мөн нас баралт бүртгэгдэх төлөвтэй байгааг Орхон аймгийн онцгой комиссын дэргэдэх "Эрдэмтдийн зөвлөл"-өөс тооцоолжээ. Өнгөрсөн 48 цагийн хугацаанд нийт 8 тохиолдол батлагдсанаас 11 тохиолдол нь сүүлийн 24 цагийн хугацаанд батлагдсан байна. Үүнээс 13 ойрын хавьтал, Улаанбаатар хот болон Өмнөговь аймгаас ирсэн иргэдээс зөөвөрлөгдсөн 4, шинж тэмдэг илрээд сайн дураар шинжилгээнд хамрагдсан 1 иргэнээс халдвар бүртгэгджээ. Мөн энэ сарын 13-ны өдрийн байдлаар Улаанбаатар хотоос 4-р сарын 4-нд ирсэн иргэн А нь халдвартай болох нь тогтоогдож , гэрийн тусгаарлалтанд байх хугацаандаа дэглэм зөрчсөн. Олон газраар сэлгүүцсэний улмаас ойрын хавьтал болох 30 гаруй иргэнийг одоогоор тогтоогоод байна. Тухайн иргэн нь зочид буудал, амралтын газар, такси, өрхийн эрүүл мэндийн төв болон хувийн хэвшлийн эмнэлгүүдээр үйлчлүүлсэн байна. Үүнтэй холбоотойгоор ӨЭМТ-ийн нэг эмч ойрын хавьтал болж халдвартай болох нь батлагдаад байна. Иймд цагийн байдал улам бүр хүндэрч байгаа учраас иргэн та аль болох гэрээсээ гарахгүй байх, дор бүрнээ халдвар хамгааллын дэглэмээ сайтар мөрдөж байх шаардлагатай байна.