Орхон аймагт батлагдсан тохиолдол 21 боллоо. Үүний 2 нь 6-12 насны хүүхэд. 24 цагийн хугацаанд шинээр 12 тохиолдол батлагджээ. Өнгөрсөн шөнө шинээр илэрсэн тохиолдлыг харьяаллаар нь задалбал: Ачит Ихт ХХК-2 Эрдэнэт үйлдвэр-1 Теди төв- 1 V-р сургууль- 1 IV-р сургууль -1 Их залуу багийн иргэн-1 Ломбарданд ажилладаг -2 иргэнээс тус тус шинээр илэрчээ. Батлагдсан 21 тохиолдлыг Орхон аймгийн БОЭТ-ийн Халдвартын тасагт тусгаарлан эмчилж байна. Нэг хүний биеийн байдал хүнд. Тэрээр хатгалгаагаар хүндэрсэн, давхар артерийн даралт ихсэх өвчтэй аж. 1733 түргэвчилсэн шинжилгээ хийсэн. Үүнд “Ачит Ихт”, гааль, “Эрдэнэт их дэлгүүр”, “ЭДЦС”, “Говь-Хангай мебель”, “Теди” төв, Даниста төв, Эрдэнэт Ус ОНӨААТҮГ, Оч хүүхдийн дэлгүүрийн хамт олон, мөн 20-р сургуулийн 362 сурагч,  4-р сургуулийн 77 сурагч, орох гарах хоёр пост, тандалтаар хийсэн шинжилгээнүүд багтаж байна. Ингэхэд сул эерэг 2 тохиолдол бүртгэгдсэн. Мөн урд шөнө ЭМЯ-аас хувиарласан 2000 тун вакцин, 8000 түргэвчилсэн оношлуурыг хүлээн авсан.  Вакцинд хамрагдах эхний 1000 хүний судалгааг гаргасан бөгөөд аргазүйн сургалт зааварчилгаа авсанаар маргаашнаас эхлэн вакциныг хийж эхэлнэ гэдгийг Орхон аймгийн Онцгой комиссын хэвлэлийн хурлаар ЭМГ-ын даргын үүрэг гүйцэтгэгч Д.Сүхээ мэдээллээ.