Орхон аймгийн Засаг даргын шуурхай хуралдаанаас холбогдох хэлтэс, агентлагуудын цаг үеийн мэдээллээс онцлов. ХӨРӨНГӨ ОРУУЛАЛТЫН АЖИЛ ЭВДЭЛЖ, СҮЙТГЭСЭН АВТО МАШИН, ЖОЛООЧИЙГ БАРИМТЖУУЛЖ, ХОХИРЛЫГ ТӨЛҮҮЛЖ, ЗАСВАРЛУУЛАХ САНАЛ ГАРГАВ Б.Баасансүрэн \/Баян-Өндөр сумын Засаг дарга\/ - “Байр хоорондын авто зогсоолоос гадна ногоон байгууламж, хөрөнгө оруулалтаар хийсэн зам, хашлагыг эвдэлж сүйтгэх тохиолдол их гарч байна. Ихэвчлэн жолооч нар ногоон байгууламжид машинаа байрлуулж байна”. М.Түмэнжаргал \/Засаг даргын орлогч\/ -Ногоон байгууламж, хөрөнгө оруулалтын ажилд хайр найргүй хандаж байгаа иргэд, жолооч нарыг баримтжуулж, хариуцлага тооцдог байх шаардлагатай байна. Хөрөнгийг нь өөрсдөөр нь гаргуулж, засварлуулах чиглэлд сумаас анхаарна уу... Б.ЗОРИГТБАЯР: 100 ГАРУЙ ТООНЫ БОД МАЛЫН ХУЛГАЙД АЛДАГДСАН ХЭРГИЙН МӨРДӨН ШАЛГАХ АЖИЛЛАГАА ЮУ БОЛСОН БЭ? Б.Зоригтбаяр \/Жаргалант сумын Засаг дарга\/ - “ЦГ-ын дарга С.Цэрэнсамбуу даргаас асуулт байна. Өнгөрсөн онд Жаргалант суманд гарсан 100 гаруй тооны бод мал хулгайд алдагдсан. Уг хэрэгтэй холбоотойгоор  4 иргэн  үйлдэл дээрээ баривчлагдсан. Малчид их асууж байна. Мөрдөн шалгах ажиллагаа, шийдвэрлэлт ямар хугацаанд явагддаг юм бэ”? С.Цэрэнсамбуу \/Орхон аймгийн ЦГ-ын дарга\/ -- “Б.Зоригтбаяр аа! Хаана, юу асуухаа мэдэж байж асуу. ЦГ-аас, эсвэл надаас утсаар тодруулж болно оо. Ямартай ч п прокурорт шилжүүлсэн байгаа.” “УБ-ЭТ-УБ” ЧИГЛЭЛД ХУУЛЬ БУСААР ХҮН ТЭЭВЭРЛЭЛТ ХИЙЖ БАЙСАН ХОЁР АВТО МАШИНЫГ ИЛРҮҮЛЛЭЭ С.Цэрэнсамбуу \/Орхон аймгийн ЦГ-ын дарга\/ “Өнгөрсөн долоо хоногт 39 согтуугаар тээврийн хэрэг жолоодсон зөрчлийг илрүүлж, урьдчилан сэргийлэх арга хэмжээ авлаа. Гэмт хэрэг, зөрчил өмнөх 7 хоногоос 40 гаруй, эрүүлжүүлэн саатуулагдах тохиодол 16.8 хувиар өслөө. Хоёр тээврийн хэрэгсэл хот хооронд хууль бусаар тээвэрлэлт хийж байсныг манай ЦГ, ТГ-тай хамтран илрүүллээ”. А.ТҮВШИНЖАРГАЛ: ЖАРГАЛАНТЫН ӨМНӨХ ТАМГЫН ДАРГЫН ЗАХИАЛГАТ АЛДААТАЙ, БАЙЦААНЫ ЗООРИЙН ТАЛААР ШҮҮХЭД ХАНДААЧ ЭЭ А.Түвшинжаргал \/Орхон аймгийн Засаг даргын орлогч\/ “2012-2016 оны хооронд орон нутгийн хөрөнгө оруулалтын 350 сая төгрөгийн хөрөнгөөр 500 тонны багтаамжтай зоорь барьсан. Стандарт шаардлага хангаагүй. Зургийг танай сумын, тухайн үеийн Засаг даргын тамгын  дарга гаргаж захиалсан юм билээ. Одоо ногоочдынхоо эрх ашгийг хангах үүднээс хохирлыг барагдуулах чиглэлд ажиллаач. Захиалагч болох тухайн үеийн удирдлагуудыг шүүхэд өгөөч ээ. Танай сумыг хангалттай дэмжсэн. Ажлаа явуулаач ээ”.   ХҮЧТЭЙ САЛХИ ШУУРГАНЫ УЛМААС “ЭТ-УБ” ЧИГЛЭЛД ЗОРЧИХ ХОЁР АВТОБУСЫГ ГАРГАЛГҮЙ, ТАСАЛБАРЫГ БУЦААЖЭЭ  Г.ЯДМАА \/Авто тээврийн төвийн дарга\/  -Өнгөрсөн амралтын өдөр болсон хүчтэй салхи шуурганы улмаас ЭТ-УБ чиглэлд зорчих байсан хоёр автобусыг гаргаагүй. Өнөөдөр зорчигчдод тасалбарын үнийн дүнг буцаан олголоо. Мөн УБ-ЭТ чиглэлд зорчих байсан хоёр автобус шөнө 3 цагийн үед гарч, өнөөдөр өглөө Эрдэнэтэд ирлээ.Өнөөдрийн 06 цагаас эхлэн энэ сарын 28-ны 06 цаг хүртэл УОК-оос ирсэн чиглэлийн дагуу хот хоорондын нийтийн тээврийн үйлчилгээг зогсоогоод байна. ТӨРИЙН БАЙГУУЛЛАГУУДАД УЧИРСАН ХОХИРЛЫГ УРЬДЧИЛСАН ДҮНГЭЭР 120 САЯ ТӨГРӨГӨӨР ТООЦООД БАЙНА  С.ГАНЦОГТ \/ Орхон аймгийн Хотын захирагчийн албаны даргын үүрэг гүйцэтгэгч\/   -Хүчтэй салхи, шуурганы улмаас иргэн, ААН-д учирсан хохирлын хэмжээг гаргахаар тооцоо судалгаа хийж байна. Ингэхдээ төрийн байгууллага, хувийн ААН, иргэнд учирсан хохирол гэж 3 ангилан судалж байна. Одоогийн байдлаар төрийн байгууллагуудын хохиролын хэмжээ урьдчилсан дүнгээр 120 сая төгрөг байна. Энэ 7 хоногтоо багтаан нийт хохирлын хэмжээг тооцож гаргана. ТӨРИЙН АЛБАНЫ АЖЛЫГ ХЭН ХИЙЖ ЧАДАЖ БАЙНА, ХЭН ЧАДАХГҮЙ БАЙГААГ ИЛ БОЛГОНО. ҮҮНД ЗДТГ МАНЛАЙЛАХ ЁСТОЙ С.БАТЖАРГАЛ \/Орхон аймгийн Засаг дарга\/     -“Төрийн албыг нийтэд нь муу муухай гэж харлуулах явдал ихэслээ. Тиймээс яг ажлаа хийж чадахгүй байгаа иргэдийг бухимдуулж буй нь ямар агентлагийн хэн юм? Чадаж байгаа нь хэн юм гэдгийг ялгаж салгана аа. Төрийн алба иргэдэд нээлттэй болох ёстой. Энэ тал дээр томоохон ажлыг эхлүүлнэ. ЗДТГазар үүнд манлайлах ёстой”.  Ямар төрийн байгууллагын хэн гэдэг албан хаагчийн үйлчилгээнд сэтгэл дундуур байгаагаа ИРГЭД шууд тухайн байгууллагын нэр дээр дарж ороод, тэр хүний нэрнийх нь ард биччихнэ.