Орхон аймгийн Баян-Өндөр сумын сонгуулийн хорооноос цаг үеийн мэдээлэл өглөө. Сонгуулийн санал өгөх өдөр ойртосонтой холбогдуулан сумын сонгуулийн хорооны дарга Ж.Бат-Өлзий зөөврийн битүүмжилсэн саналын хайрцгаар санал авах ажиллагааны талаар ярилаа. Зөөврийн битүүмжилсэн саналын хайрцгаар түүний хүсэлт, эмнэлгийн магадалгаа, эсхүл холбогдох байгууллагын тодорхойлолтыг үндэслэн санал авах өдрийн өмнөх өдрийн 09:00-20:00 цагийн хооронд авна. Дараах сонгогчийн саналыг битүүмжилсэн хайрцгаар авна. Үүнд:  Эрүүл мэндийн байдлын улмаас санал авах байранд өөрийн биеэр очиж чадахгүй сонгогч; Дайчилгааны тухай хуульд заасны дагуу нийтийн дайчилгаанд хамрагдан ажиллаж байгаа сонгогч; Зөрчлийн улмаас баривчлагдсан сонгогч; Эрүүгийн хэрэг хянан шийдвэрлэх тухай хуульд заасны дагуу баривчлагдсан, цагдан хоригдсон сонгогч; Эрүүл мэндийн байдлын улмаас зөөврийн битүүмжилсэн саналын хайрцгаар санал өгөх сонгогч өөрийн эрүүл мэндийн талаарх эмчийн магадалгааг зөөврийн битүүмжилсэн саналын хайрцгаар санал өгөх хүсэлтийн хамт санал авах өдрөөс гурваас доошгүй хоногийн өмнө дараах байдлаар хүргүүлнэ: Эмнэлэг, сувилалд хэвтэн эмчлүүлж байгаа сонгогч тухайн байгууллагын захиргаанд; Бусад тохиолдолд өөрийн харьяа хэсгийн хороонд хүргүүлнэ. Асран хамгаалагч, харгалзан дэмжигчгүй бол тухайн сонгогчийн харьяалагдах баг, хорооны Засаг дарга түүний хүсэлт, мэдээллийг холбогдох хэсгийн хороонд хүргүүлэх үүрэгтэй юм.