Гэмт хэргийн тоо 14,7 хувиар буурчээ

Он гарсаар эхний таван сарын байдлаар Орхон аймагт 272 гэмт хэрэг бүртгэгджээ. Энэ нь өмнөх оны мөн үетэй харьцуулахад 14,7 хувиар буурсан үзүүлэлт юм. Харин хүний эрүүл мэндийн халдашгүй байдлын эсрэг гэмт хэргийн тоо өссөн дүнтэй гарчээ. Уг гэмт хэргийн шалтгаан нөхцөл байдлыг архидан согтуурахтай холбоотой гэж үзэж байна. Өнгөрсөн сарын байдлаар тус цагдаагийн байгууллагад согтуугаар үйлдэгдсэн 88 гэмт хэрэг бүртгэгджээ. Цагдаагийн газрын дуудлагын 102 утсанд өдөрт 60-70 дуудлага ирж байгааг Урьдчилан сэргийлэх ажил хариуцсан ахлах мэргэжилтэн, цагдаагийн хошууч Л.Содбилэг мэдээлэв. Дуудлагын дийлэнх хувийг ахуйн хүрээний архилдалттай холбоотой дуудлага эзэлж байгаа аж.