Ам.долларын ханш ес хоног дараалан буурав

Валютын захын улирлын шинжтэй нөлөөлөл, Холбооны Нөөцийн банкны зөөлөн бодлого нь ам.долларыг "богино борлуулалтаар" арилжихаар зэхэж буй валютын захын арилжаанд оролцогчдыг дэмжихээр байна. Энэ сар гарснаас хойш ам.долларын ханш ес хоног дараалан буурлаа. 2006 оноос хойш ам.доллар ийм олон хоног дараалан суларч байгаагүй юм. Зургаадугаар сард "аюулгүй хөрөнгө оруулалт" ам.долларын ханш хоёр хувиар сулраад байгаа юм. Зургаадугаар сарын дүнгээр “Bloomberg Dollar Spot Index” өнгөрсөн 10 жилийн наймд нь дунджаар 0.7 хувиар буурч байсан байна. Тавдугаар сард хөрөнгийн захын арилжааны идэвх буурдгаас ам.долларын ханш өсөж, зургаадугаар сард нь эргэн буурдаг зүй тогтол тогтсон байдаг аж. Хэдий тийм боловч цар тахлын нөлөөгөөр өнгөрсөн сард ам.долларын ханш 1.2 хувиар буурч, хувьцааны ханш өссөн нь энэ зүй тогтлыг эвдсэн юм. Холбооны Нөөцийн банкны Нээлттэй зах зээлийн хорооны хуралдааны шийдвэрийг АНУ-ын цагаар энэ лхагва гарагт танилцуулна. Валютын захын арилжаанд оролцогчид ч энэхүү шийдвэрийг анхааралтай хүлээж байна.