Орхон аймгийн хэмжээнд өмнөх оны мөн үетэй харьцуулахад согтуугаар тээврийн хэрэгсэл жолоодсон зөрчил буурахгүй байна. Тодруулбал, өдөрт дунджаар 10 хүн согтуугаар жолоо барьж зөрчил гаргаж байна. Нэг өдөрт 6-7 аль эсвэл 10 –аас дээш энэ төрлийн зөрчил илэрч байгааг Цагдаагийн газрын Замын цагдаагийн тасгаас мэдээллээ. Согтуугаар тээврийн хэрэгсэл жолоодож, замын хөдөлгөөнд оролцсоны улмаас осол аваар гарч, бусдын автомашиныг мөргөсөн, хүндээр гэмтсэн тохиолдол бүртгэгджээ. Автомашины бүрэн бүтэн байдлыг хангаж, замын хөдөлгөөнд оролцохыг анхааруулав  Замын цагдаагийн тасгаас урин дулааны цаг ирж, хөдөлгөөний урсгал нэмэгдсэнтэй холбогдуулан орон нутгийн замд хяналт тавьж байна. Хот хоорондын замд  хурд хэмжигчийг байрлуулж, тээврийн хэрэгслийн хурдыг шалгахаар зохицуулагч нар ажиллаж байна. Суурин газрын гадна буюу орон нутгийн замд жолооч нар 80 км\/ цаг хурдаас хэтрүүлж болохгүй. Хурд хэтрүүлсэн тохиолдолд зөрчлийн хуулиар арга хэмжээ авдаг. 80-120 км\/цагийн хурдтай явбал  50 нэгжээр торгож, зөрчлийн онооноос хоёр оноог хасдаг. Харин 120 км\/цагаас  дээш хурдтайгаа явбал жолоодох эрхийг зургаан сараар хасна. Иймд жолооч нар тээврийн хэрэгслийн хөдөлгөөний хурдыг тааруулж замын хөдөлгөөнд оролцохыг Замын цагдаагийн тасгийн зохицуулагч, цагдаагийн ахлах дэслэгч Э.Өлзийсүрэн анхаарууллаа.