БАНКУУД 500 ТЭРБУМ ОРЧИМ ТӨГРӨГИЙН ИПОТЕКИЙН ЗЭЭЛИЙН ЭРГЭН ТӨЛӨЛТИЙГ ХОЙШЛУУЛАХ ХҮСЭЛТИЙГ ШИЙДВЭРЛЭЖЭЭ

Банкууд 500 тэрбум орчим төгрөгийн ипотекийн зээлийн эргэн төлөлтийг хойшлуулах хүсэлтийг шийдвэрлэсэн гэж Монголбанкны Ерөнхийлөгч Б.Лхагвасүрэн мэдээллээ. Мөн коронавирусын нөлөөгөөр эргэн төлөлт нь хүндрэлд орсон 37 мянга гаруй зээлд бүтцийн өөрчлөлт хийжээ. "Үнийн түвшний өсөлт саарч инфляц дөрвөн хувь болсон нь эдийн засгийн идэвхжил эргээд суларсныг илтгэж байна. Цаашид дэлхийн зах зээл дээрх нефтийн үнэ, цаг агаарын байдлаас шалтгаалж түр зуурын нийлүүлэлтийн шалтгаантай үнийн хэлбэлзэл үүсч болох ч, инфляцын зорилтыг хангах боломжтой" гэж байр сууриа илэрхийлжээ. Улсын инфляц IV сарын байдлаар 4.7 хувь байна. эх сурвалж: bloombergtv.mn