Аймгийн иргэдийн Төлөөлөгчдийн Хурлын Тэргүүлэгчдийн хуралдаан хуралдлаа. Тэргүүлэгчдийн хуралдаанаар Тогтоолд өөрчлөлт оруулах тухай, Аймгийн хөдөө аж ахуйн салбарын 2020-2021 оны өвөлжилтийн бэлтгэл хангах ажлын төлөвлөгөө батлах тухай, бусад гэсэн асуудлуудыг хэлэлцлээ.  Аймгийн хөдөө аж ахуйн салбарын 2020-2021 оны өвөлжилтийн бэлтгэл хангах ажлыг мал аж ахуйн өвөлжилтийн бэлтгэл хангах, мал эмнэлэгийн ажил үйлчилгээний, газар тариалангийн бэлтгэл хангах, хүнсний гэсэн дөрвөн чиглэлээр 36 арга хэмжээ, гүйцэтгэх ажлыг төлөвлөгөөнд тусгажээ. Хэлэлцсэн асуудалтай холбогдуулан аймгийн ИТХ-ын Тэргүүлэгчид асуулт асууж, санал хэлсэнээр Аймгийн хөдөө аж ахуйн салбарын 2020-2021 оны өвөлжилтийн бэлтгэл хангах ажлын төлөвлөгөөг баталлаа. Төлөвлөгөөний хэрэгжилтийг зохион байгуулж, явцын талаарх мэдээллийг аймгийн ИТХ-ын Тэргүүлэгчдэд тайлагнахыг аймгийн Засаг даргад даалгалаа.