Өнгөрөгч долоо хоногт Орхон аймгийн ЗДТГ болон Эрдэнэт хотын Захирагчийн албаны удирдах зарим албан тушаалтнууд 2020 оны УИХ-ын ээлжит сонгуулийн компанит ажилд оролцохоор, өөрийн хүсэлтээр албан үүргээсээ чөлөөлөгдлөө.      Тухайлбал, аймгийн Засаг даргын Б\/08 дугаар захирамжаар Эрдэнэт хотын Захирагчийн албаны дарга Мишигийн Түмэнжаргалыг 6 дугаар сарын 1-ний өдрөөс өөрийнх нь хүсэлтийг үндэслэн ажлаас нь чөлөөлсөн бөгөөд тус албаны ахлах мэргэжилтэн, инженер Б.Одгэрэл хотын Захирагчийн албаны даргын үүрэгт ажлыг түр орлон гүйцэтгэж байна.       Мөн аймгийн Засаг даргын Тамгын газрын даргын  Б\/15 дугаар тушаалаар Хөрөнгө оруулалт, хөгжлийн бодлого төлөвлөлтийн хэлтсийн дарга Цогбадрахын Баяржаргалыг, Б\/18 дугаар тушаалаар Мэдээллийн төвийн ахлах ажилтан бөгөөд аймгийн Засаг даргын хэвлэлийн төлөөлөгч Бямбасүрэнгийн Оюун-Эрдэнийг өөрийнх нь хүсэлтээр тус тус ажлаас нь чөлөөллөө.        Хөрөнгө оруулалт,  хөгжлийн бодлого төлөвлөлтийн хэлтсийн даргын албан үүргийг тус хэлтсийн Хөгжлийн бодлого, төлөвлөлт, хөрөнгө оруулалтын асуудал хариуцсан  ахлах мэргэжилтэн С.Даваадорж, Мэдээллийн төвийн ахлах ажилтан бөгөөд аймгийн Засаг даргын хэвлэлийн төлөөлөгчийн  албан үүргийг тус төвийн ажилтан Д.Цэнд-Аюуш нар түр орлон гүйцэтгэж байна.   Аймгийн ЗДТГ-ын Төрийн захиргааны удирдлагын хэлтэс