I УЛИРАЛД ЯПОН УЛСЫН ЭДИЙН ЗАСАГ ӨМНӨХ ОНЫ МӨН ҮЕЭС 2.2 ХУВИАР АГШЛАА

Оны эхний улиралд Япон улсын эдийн засаг шинжээчдийн таамагласнаас бага хувиар агшлаа. Жилийн дүнгээр 2.2 хувиар агшсан нь урьдчилсан мэдээлэл болох 3.4 хувиас харьцангуй бага дүн болсон байна. Шинжээчдийн таамагласнаас сайн дүнтэй гарсан ч хоёр дахь улиралдаа дараалан тус улсын эдийн засаг хумигдаж байна. Мөн II улирлын дүнгээр дахин агших төлөвтэй байгаа аж. “Bloomberg”-ийн судалгаанд хамрагдсан эдийн засагчид энэ онд 20 орчим хувиар агших эрсдэлтэй гэж тооцоолсон байна. Энэ нь 1955 оноос хойших хамгийн гүн уналт болох юм.