Машиныхаа хаалганы ард бие зассан иргэнийг торгожээ

 Автомашиныхаа хаалганы ард бие зассан иргэнийг Цагдаагийн байгууллагаас шалгаж арга хэмжээ авчээ. Жолоочийг шалгахад согтууруулах ундааны зүйл хэрэглээгүй байсан тул иргэний гаргасан үйлдэлд Зөрчлийн тухай хуулийн 5.1.1 дэх заалтаар торгосон байна. Олон нийтийн газар, авто зам, орон сууцны газар, гудамж, талбайд бие зассан, эсхүл нус, цэр, тамхины иш, хог хаясан бол хүнийг  арван нэгжтэй тэнцэх төгрөгөөр торгоно гэж Зөрчлийн тухай хуульд заажээ. Зөрчил гаргасан иргэнийг 10 мянган төгрөгөөр торгосон байна.