Хүүхдийн тасгийн ачаалал буурчээ

Ковид 19 цар тахлын нөхцөл байдлын улмаас өндөржүүлсэн бэлэн байдал, хөл хориог удаа дараа  сунгасан. Орхон аймгийн хэмжээнд он гарсаар эхний сард ханиад томуу нэмэгдэж, хүүхдийн тасгийн ачаалал гурав дахин ихэссэн. Харин хөл хорио тогтоосноос хойш Бүсийн оношилгоо эмчилгээний төвийн Хүүхдийн тасгийн ачаалал буурчээ. Тус тасгийн эрхлэгч М.Уртнасан “  Хүлээн авахаар ажлын өдрүүдэд 20 гаруй хүүхэд, амралтын өдрүүдэд 50 гаруй хүүхэд ирж байна. Өнөөдрийн байдлаар 13 хүүхэд хэвтэн эмчлүүлж байна. Ачаалал харьцангуй буурч байгаа” гэж ярилаа. Олон улсын хүүхдийн эрхийг хамгаалах өдөр буюу 6-р сарын 1-нд 54 хүүхдэд үзлэг, эмчилгээ хийж, зөвлөгөө өгчээ.  Баярын өдөр чихрийн тууралт гарсан, гэдэс хямарсан, бөөлжсөн гүйлгэсэн гэсэн хүүхдүүд ирсэн байна. Мөн хачигт халдвартын хэд хэдэн тохиолдол гарч, халдвартын тасагт шилжүүлжээ.