Ахуйн хүрээний архидалттай холбоотой 48 дуудлага иржээ

            Орхон аймгийн Бүсийн оношилгоо эмчилгээний төвийн Түргэн тусламжийн тасагт өнгөрсөн долоо хоногт 324 дуудлага иржээ. Үүнээс ахуйн хүрээний архидалттай холбоотой 48 дуудлага гарсан байна.  Дуудлагын тоо өмнөх хоногуудтай харьцуулахад өссөн гэдгийг Түргэн тусламжийн тасгаас мэдээлэв.  БОЭТ-ийн Түргэн тусламжийн тасгийн эрхлэгч  Т.Мөнхжаргал хэлэхдээ “ Дуудлагын ихэнх нь амралтын өдрүүдэд гарч байна. Ахуйн хүрээнд архидан согтуурснаас үүдэлтэй бэртэж гэмтэх тохиолдлууд гарсан.  Харин хүүхэд бэртэж гэмтсэн хүүхэдтэй холбоотой дуудлага ирээгүй” гэлээ.  Мөн орон сууцны хорооллын халаалт зогссон учраас ханиад томууны дуудлага нэмэгдэх хандлагатай байна. Иймд эцэг эхчүүд хүүхдийнхээ хувцсыг тааруулж өмсгөх хэрэгтэйг санууллаа.