Энэ сарыг дуустал эзэнгүй дүүргийн хог хаягдлыг цэвэрлэнэ
Орхон аймгийн Байгаль орчин аялал жуулчлалын газраас жил бүр “эзэнгүй дүүргийн” гэгдэх хог хаягдлыг цэвэрлэдэг. Энэ жилийн хувьд 51 цэгийн 1180 метр куб хог байгааг бүртгэлжүүлсэн байна. Тавдугаар сарын 21-ний өдрөөс эхлэн хог хаягдлыг цэвэрлэх ажлыг эхлүүлжээ. БОАЖГ-ын ажилтнуудаас гадна 20 хүнийг түр ажлын байраар ханган ажиллуулж байгаа юм.
Орхон Булган аймгийн хилийн зааг бүс нутаг болон гуу жалга, голын гольдрол, үерийн жалганд хуримтлагдсан хогийг цэвэрлэж байна. Байгаль орчин аялал жуулчлалын газрын мэргэжилтэн П.Энхсэлэнгэ “ Ихэвчлэн ахуйн хог хаягдал, үнс, өтөг бууц, морины жүчээний хог ихээр гарч байна. Ялангуяа захын гэр хорооллын айлуудын ойролцоо хог үүссэн байсан” гэж ярилаа.
Зориулалтын бус газар хог хаягдал үүсч байгаа асуудалд багийн Засаг дарга нар анхаарах хэрэгтэйг мэргэжилтэн хэлэв.Тус байгууллага жилд “Байгаль хамгаалах арга хэмжээний зардал”-аас 20-30 сая төгрөгийг хог цэвэрлэхэд зарцуулдаг байна.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.