Эрдэнэ багийнхан ХОГОО АНГИЛАН ялгана
Орхон аймгийн Эрдэнэ багийн ажлын алба, багийн иргэдийн санаачилгаар ангилан ялгах хогийн савыг байрлуулж эхэллээ. Дэлхийн зөн Монгол ОУБ-аас хэрэгжүүлж байгаа “Гамшигт тэсвэртэй хот” төсөл зургаан баг хамрагдаж байна. Зургаан багийн нэг нь Эрдэнэ баг юм. Тус багт шар өвс шатаах, үнс нурмаа ил задгай асгаснаас гал түймэр гарах эрсдэлтэй гэж үнэлэгдсэн байна. Иймд багийн иргэд хогоо ангилан ялгах хогийн савтай болох хүсэлтийг гаргажээ.Төслийн хүрээнд 10 сая төгрөгийн хогийн савны материалыг өгсөн байна.
Тусгаарлах хоёр хэсэгтэй хогийн савны нүүрэн хэсгийг лист төмрөөр, ард талыг зэврэхгүй төмрөөр хийжээ. Эрдэнэ багийн Засаг дарга Н.Отгонбилэг “Айл өрхүүд хогийн савны нэг талд үнс нурам, нөгөө талд ахуйн хог хаягдлыг хийж болно. Нэг хогийн сав ойролцоогоор 150 мянга орчим төгрөгийг өртөгтэй байна. Цаашид багийн нийт өрхийн 50 хувийг ангилан ялгах хогийн савтай болгохыг зорьж байна” гэж хэлэв.
Төсөл хөтөлбөрт хамрагдаж байгаа өрх толгойлсон эцэг эх, хөгжлийн бэрхшээлтэй иргэнтэй айл өрх, залуу гэр бүл, ахмад настнуудад хогийн савыг үнэгүй өгч байгаа юм.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.