Орхон аймаг Баян-Өндөр сумын Сум хөгжүүлэх сангийн зээл олголтын төсөл сонгон шалгаруулалт цахимаар ил тод зохион байгуулагдлаа.Энэхүү зээл нь Сум орон нутгийн иргэн, ААН, нөхөрлөл хоршоо, жижиг, дунд үйлдвэр эрхлэгчдийг хөнгөлөлттэй зээлээр дэмжих зорилготой олгогддог зээл юм. Сонгон шалгаруулалтын материалд нийт 36 төсөл ирсэн бөгөөд төсөл сонгон шалгаруулах зөвлөлийн 2020 оны 4 дүгээр сарын 13-ний өдрийн 01 тоот хурлын шийдвэрээр зээл олголтын журмын шаардлага хангасан 14 иргэн, 11 аж ахуй нэгж байгууллагад 274 сая төгрөгийн зээл олгохоор шийдвэрлэлээ. Үүнд:1.Хөдөө аж ахуйн чиглэлээр 1 иргэн, 2 аж ахуй нэгжид 40 сая төгрөг2.Барилгын материалын чиглэлээр 3 иргэн, 2 аж ахуй нэгжид 70 сая төгрөг3.Хөнгөн үйлдвэрлэлийн чиглэлээр 2 иргэн, 1 аж ахуй нэгжид 26 сая төгрөг4.Хүнсний үйлдвэрлэлийн чиглэлээр 4 иргэн, 1 аж ахуй нэгжид 45 сая төгрөг5.Боловсруулах үйлдвэрлэлийн чиглэлээр 3 иргэн, 1 аж ахуй нэгжид 50 сая төгрөг6.Гэр хорооллын алслагдсан багуудад ахуй үйлчилгээний чиглэлээр 1 аж ахуй нэгжид 15 сая төгрөг7. Үйлчилгээний чиглэлээр 1 иргэн, 3 аж ахуй нэгжид 55 сая төгрөгийг тус тус олгох юм. Эдгээр 25 төслийг дэмжсэнээр Орхон аймагт чанартай жижиг дунд үйлдвэрлэлүүд бий болж, ажлын байр шинээр нэмэгдэх, иргэдийн өмнө тулгамддаг хүнсний аюулгүй байдлыг хангах, иргэдийн хэрэгцээ шаардлагад нийцэх бүтээгдэхүүнийг үнэ өртгийн хувьд хямд борлуулах зэрэг боломжууд бүрдэж байгаа юм. Төсөлд хамрагдсан иргэдэд хандаж Баян-Өндөр сумын Засаг дарга С.Ганцогт хэлэхдээ зээл олголтыг зориулалтын дагуу ашиглах, ажлын байрыг нэмэгдүүлэх, ингэснээр цаашид орон нутгаас дэмжин ажиллах, бүтээгдэхүүн үйлчилгээг борлуулах тал дээр онцгой анхаарч хамтран ажиллана гэдгээ дуулгасан юм