Төлөөлөгчдийн болон мандатын тоог 35 байхаар хэлэлцэн баталлаа

Тэргүүлэгчдийн хурлаар "Цагаан тоос" дэд хөтөлбөрийн хэрэгжилтийн тухай, Иргэний зөвлөлийн гишүүдийг томилох тухай, Орон нутгийн хурлын сонгуулийн тойрог байгуулж мандатын тоо батлах тухай, Шагналд тодорхойлох тухай гэсэн асуудлуудыг хэлэлцлээ.       Орон нутгийн хурлын сонгуулийн тойрог байгуулж мандатын тоо батлах тухайд Манай аймаг өмнөх жилүүдэд 23 тойрог 33 мандаттай байсан бол энэ жилээс 23 тойрог хэвээрээ мандатын тоо нэмэгдэж 35 болж өөрчлөгдлөө. Ингэснээр 35 төлөөлөгч сонгогдон ажиллаж юм. Тэргүүлэгчдийн хуралдаанаар иргэний зөвлөлийн гишүүдийг сонголоо.       Цагдаагийн байгууллагын үйл ажиллагаанд олон нийтийн хяналт тавих үүрэг бүхий “Иргэний зөвлөл”-ийн гишүүдийг сонгон шалгаруулах тухай асуудлыг хэлэлцээд сонгон шалгаруулах журмын дагуу материалаа ирүүлж, цагдаагийн албаны тухай хуулийн 62.4-т заасан шаардлагыг хангасан Ц.Дэмчигжав, Ц.Энхтөр, Х.Бат-Эрдэнэ нарыг аймгийн ИТХ-ын дэргэдэх “Иргэний зөвлөл”-ийн гишүүнээр 3 жилийн хугацаатай томилон ажиллуулахаар тогтлоо.