“ИРГЭН ТӨВТЭЙ ТӨРИЙН ҮЙЛЧИЛГЭЭ ӨДӨРЛӨГ” БОЛЛОО
Засгийн газраас 2019 оныг “Иргэн төвтэй төрийн үйлчилгээний жил” болгон зарласантай холбогдуулан Орхон аймгийн төрийн үйлчилгээний байгууллагууд хамтран “Иргэн төвтэй төрийн үйлчилгээний өдөрлөг” арга хэмжээг Амарын талбайдаа зохион байгууллаа. Өдөрлөгийн үеэр Орхон аймгийн ЗДТГ-аас 2016-2019 онд хийсэн бүтээн байгуулалт, хөрөнгө оруулалтын ажлуудаа олон нийтэд тайлагнасан. Үүнээс гадна төрийн өмчийн 37 байгууллага ажил үйлчилгээгээ хөнгөлөлттэйгээр үзүүлж, сурталчиллаа.
Тухайлбал Авто тээврийн төвөөс тээврийн хэрэгсэл шинээр бүртгэх, хасалт, шилжилт хөдөлгөөн, 2019 оны нэгдүгээр сарын 1-нээс хойшхи зөрчилд арга хэмжээ тооцохгүй байх, орон нутгийн өмчийн газраас түрээсийн орон сууцанд хамрагдахыг хүссэн иргэдэд мэдээлэл өгөх, өргөдөл хүлээн авах зэргээр төрийн бүхий л үйлчилгээг нэг дороос үзүүлсэн юм.
Мөн энэ үеэр зарим байгууллага, цэцэрлэг сургуульд нэн шаардлагатай тоног төхөөрөмж, техник хэрэгслийг орон нутгаас шийдвэрлэснийг гардуулан өгч, иргэд хүссэн төрийн үйлчилгээгээ цаг алдалгүй,түргэн хугацаанд авах боломж бүрдсэн юм.
0
0
0
0
0
0
.jpg)
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.