“Алтан бамбай” аврах ажиллагааны тэмцээн эхэллээ

Хоёр жилд нэг удаа зохион байгуулагддаг “Алтан бамбай-2019” тэмцээн энэ сарын 19,20-ний өдрүүдэд болох юм. Эрдэнэт үйлдвэрийн бүтцийн нэгжүүдэд шинээр ажилд орсон, залуу ажилчдыг “Алтан бамбай” тэмцээнд оролцуулдаг. Энэ нь гарч болзошгүй аваар ослын үед өөрийгөө болон бусдыг хэрхэн хамгаалах дадлага болдгоороо давуу талтай тэмцээн юм. Тэмцээнийг нээж Эрдэнэт үйлдвэрийн Ерөнхий захирлын Нэгдүгээр орлогч бөгөөд Ерөнхий инженер Т. Батмөнх үг хэлж нийт баг тамирчдад амжилт хүслээ.Тэмцээнд үйлдвэрийн бүтцийн нэгжүүдээс 19 баг оролцож байна. Ес дэх жилдээ зохион байгуулагдаж байгаа тус тэмцээнийг Эрдэнэт үйлдвэрийн ХАБЭА-н хэлтэс, Залуучуудын холбоо, Эрдэнэт сувиллын цогцолбор, Гамшгаас хамгаалах штаб, Аврах гал унтраах 58-р анги хамтран зохион байгуулж байна. Тэмцээн барилга байшингийн аврах ажиллагаа, зам тээврийн осол, газар доорх байгууламж, нурангийн аврах ажиллагаа төрлүүдээр болох юм. эх сурвалж: сэтгүүлч А.Бямбамаа