Монгол улсын Засгийн газрын Төрөөс эрүүл мэндийн талаар баримтлах бодлогын хүрээнд Орхон аймгийн Эрүүл мэндийн байгууллагуудад “Цахим эрүүл мэнд” төслийг хэрэгжүүлэхээр шийдвэрлэсэн бөгөөд Орхон аймгийн Засаг даргын 2019 оны 03 дугаар сарын  27-ны өдрийн 201 дүгээр захирамжаар Засаг даргын орлогч А.Түвшинжаргалаар ахлуулсан ажлын хэсэг байгуулагдан ажиллаж байгаа бөгөөд өнөөдөр тус ажлын хэсгийн ажлын даалгавар танилцуулах хуралдаан боллоо.   Орхон аймгийн хэмжээнд ЭМГ, БОЭТ, "Медипас" эмнэлэг болон  өрхийн эрүүл мэндийн 8 төв, хувийн хэвшлийн 11 ортой эмнэлэг, клиник 56, эм ханган нийлүүлэх байгууллага 8, эмийн сан 57, нийт 137 эрүүл мэндийн байгууллагад 344 эмч 436 сувилагч, мэдээллийн технологийн 5 мэргэжилтэн ажилладаг.  Эрүүл мэндийн салбарын үйл ажиллагаа нэгдсэн цахим сүлжээнд холбогдсоноор дундын мэдээллийн бааз үүсэх бөгөөд иргэдийн хүлээгдэл, цаг товлолт зэргийг ч цахимаар авах боломж бүрдэх юм.  Цахим эрүүл мэнд төслийг хэрэгжүүлэхэд зориулан 2019 оны төсөвт 200 сая төгрөг тусгаад байна.  “Цахим эрүүл мэнд” төсөл хэрэгжсэнээр иргэд амбулаторийн цаг товлох үйлчилгээ, үзлэгийн кабинетуудын ачаалал, дараалал болон бусад үйлчилгээний талаарх мэдээллийг гэрээсэ гар утасны апликкейшнаар  чөлөөтөй авах ба  үйлчлүүлэгчдийн чирэгдэл буурч, сэтгэл ханамж сайжирна. Мөн онцгой байдлын үед зарлан мэдээллэх, нарийн мэргэжлийн эмч нарыг шаардлагатай газарт шуурхай дуудах, түргэн тусламжийн үйлчилгээний чанарр хүртээмж сайжрах юм.  “Цахим эрүүл мэнд” төслийг энэ онд багтаан хэрэгжүүлэн ашиглалтад нэвтрүүлэхээр зорин ажиллаж байна.  Эх сурвал:erdenet.mn