Эмч, эмнэлгийн ажилтнуудад 17.5 сая төгрөгийн дэмжлэг үзүүлэхээр болов

Эрүүл мэндийн салбарын эмч, ажилтыг дэмжих зөвлөлийн хурал боллоо. Уг зөвлөлийгаймгийн Засаг даргын нийгмийн асуудал эрхэлсэн орлогч А.Түвшинжаргал удирддаг юм. Энэ удаагийн хурлаар БОЭТ-ийн 13, хувийн эмнэлгийн  хоёр, ЭМГ-ын хоёр, “Медипас” эмнэлэгт ажилладаг нэг эмч, мэргэжилтний асуудлыг хэлэлцлээ. Нийт 18 ажилтанд 17.5 сая төгрөгийн дэмжлэг олгохоор болов. Тодруулбал, оюутны сургалтын төлбөрийн дэмжлэгт долоо, орон байрны нөхцөлөө сайжруулахад найм, эмчилгээ, оношилгоонд санхүүгийн дэмжлэг хүссэн гурван эмч, мэргэжилтний асуудлыг шийдвэрлэлээ. Уг асуудлыг “Эмч” дэд хөтөлбөрийн хүрээнд батлагдсан мөнгөнөөс шийдвэрлэж байгаа юм. эх сурвалж: erdenet.mn